Pigméntliq ösümlükler—terkibide tebiiy pigméntlar bolghan , Yémekliklerge , Ussuluqlargha qoshulidighan reng xuruchlirini alghili bolidighan , Jümlidin boyaq maddilirini yasaydighan ösümlükler . Pigmént–ösümlüklerning métabolizm jeryanida peyda bolidighan hasilati bolup , Ximiyiwi qurulmisi intayin murekkep bolghan organik birikmilerdur . Bularning beziliri yopurmaq we ghollarda mewjut bolup turidu , Mesilen : Osma , Uning yopurmiqida indigotin bolup , U kök boyaq maddisidur , Uning bilen ösümlük talalirini boyighanda tizap ishlitish hajetsiz, U girim buyumlirighimu ishlitilidu. Bezi ösümlüklerning yiltizidimu pigméntlar saqlinidu , Mesilen : Englik ot , Yiltizida binepshe qizil pigmént alkannin bolup , Qizilgül renggide , Paxta we yipek toqulmilarni boyighili , Yémeklik we girim buyumlirigha ishletkili bolidu . Bezi pigméntlar gül we chécheklerde saqlan'ghan , Mesilen : Zarangzining gül taji terkibidiki  kartamin maddisidin qizil boyaqlarni élip, Paxta rextlerni boyighili , Girim buyumlirini yasighili ,  Ussuluq we yémekliklerge reng bergili bolidu .