Bümeryem shërip xushtar

     Diyarimiz mëwe – chëwe makani. Xelqimiz mëwe –  chëwe tijariti bilen shughullan'ghuchilarni ‹‹baqqal››, Bu kesipni ‹‹baqqalliq›› dep ataydu. Baqqalliq höl mëwichilik, Quruq mëwichiliktin ibaret ikki xil bolidu.

    Höl mëwe baqqalliri örük, Shaptul, Toghach, Enjür, Alma, Anar, Amut, Neshpüt, Bëhi, Algirat, Eynula, Üzüm, Nak, Üjme, Gilas, Qoghun – tawuz, Chilge qatarliq mëwe –  chëwilerni ëlip satidu. Bu mëwiler bir – birige ulushup yëtilip (Hazir yil boyi), Bazarlarni elwekleshtürüp, Baqqallarning tijaritini janlanduridu.

    Baqqallar top ëlip parche sëtish yaki baghni kötüre ëlip top we parche sëtish sheklide ish köridu. Baqqallarning höl mëwe – chëwilerni sëtishi özgiche bolup, Ular mëwilirini jelipkar idiyomlar bilen süpetlep xëridar chaqiridu, Mëwilirini aldin xëridargha tëtitip andin satidu.

    Quruq mëwe baqqalliri qurutulghan üzüm, Güle, Jigde, Yangaq, Piste, Badam, Qaq, Chilan, Qaraörük qatarliq quruq mëwilerni top ëlip top we parche satidu, Qoshumche qent, Nawat, Pataza, Peshmeklernimu satidu.
Quruq yimishchiler mëwining süpiti we taziliqigha alahide ehmiyet bëridu. Xëridarlarni jelp qilish baqqallarning eng zor alahidiliki. Ular keng qorsaq bolup, Süpetsiz mal tutmaydu, Mallirigha bihude yuqiri baha qoyuwalmaydu, Xëridarlar bilen artuqche baha talashmaydu. Ilgiri höl mëwe satidighanlarda tarazida ölchep sëtish aditi bolmighan, Këyinki chaghlarda, Bolupmu bazar igilikige yüzlen'gendin buyan mëwe – chëwe sodisida taraza ishlitishtek ölchemlik soda aditi omumlashti.

