shinxua agëntliqi, Kiyëw, 10 – mart tëlëgrammisi. ukraina parlamëntining 1 – muawin bashliqi lafornowich 10 – mart: rayon partiyesi, Ukraina kommunistik partiyesi we litwin ittipaqi bir qisim musteqil parlamënt ezaliri bilen birliship yëngi hakimiyet yürgüzüsh ittipaqi qurushni qarar qildi, Dëdi.

   lafornowich shu küni tëlëwiziye istansisining ziyaritini qobul qilghanda: hakimiyet yürgüzüsh ittipaqi qurushqa qatnishidighan parlamënt ezalirining isimliki we hakimiyet yürgüzüsh ittipaqi këlishimini yëqinda ëlan qilimiz, Dëdi.

   ukraina zungtungi yanukowich 10 – mart parlamënt yighinida maqullan'ghan qanun'gha tüzitish kirgüzüsh layihesige imza qoyup, Musteqil parlamënt ezalirining hakimiyet yürgüzüsh ittipaqigha qatnishishigha ruxset qildi.

   ukraina asasiy qanunida, Hakimiyet yürgüzüsh ittipaqining zungli namzatini körsitish we kabinët teshkillesh hoquqi bar, Dep belgilen'gen. uchurlargha qarighanda, Rayon partiyesining rehberliridin biri bolghan azarofning zungli namzatliqigha körsitilish ëhtimalliqi eng yuqiri iken.

