Shinxua agëntliqi, B d t, 10 – awghust tëlëgrammisi. B d t ning iqtisadiy we ijtimaiy ishlargha mesul muawin bash katipi sha zukang 10 – awghust xelqara jemiyetning dunyadiki yerlikler we eydizge köngül bölüshini murajiet qildi.

     B d t 9 – awghust ‹‹dunya yerlikler xelqara küni››ni tebriklesh üchün, 10 – awghust chüshtin këyin nyu – yorktiki bash shtabida edebiyat – senet oyuni qoydi we mexsus muhakime yighini ötküzdi. Sha zukang tebriklesh paaliyitide mundaq dëdi: Yerlikler tashqi dunyadin ayrilghan jughrapiyilik muhitta yashaydu, Ular hemishe ëghir namratliq, Siyasiydin chetlishish we dawalash – saqliq saqlash sharaiti nachar bolush qatarliq mesililerge yoluqmaqta. Halbuki bu mesililer yerliklerning eydizge taqabil turushida zor qiyinchiliq tughdurghan. U yene mundaq dëdi: Xelqara jemiyet eydizge qarshi turush jeryanida, Yerliklerning qiyinchiliqini igilep, Ularning eydizge taqabil turush tirishchanliqigha yardem bërishi kërek .

     1994 – yil 23 – öktebir, B d t yighini qarar maqullap, 9 – awghustni ‹‹dunya yerlikler xelqara küni›› qilip bëkitti. Bu yilliq ‹‹dunya yerlikler xelqara küni››ni xatirilesh paaliyitide eydiz wirusi we eydizning tehditi mesilisi nuqtiliq chöridilip, Yerliklerning këselliklerni bayqash, Dawalash we qoghdashqa këreklik uchur we ul eslihelerdin behrimen bolush kërekliki tekitlinidu. 
