|
Üstel : Orningizdin turup ikki qolingizni erkin qoyup bergende, Alqiningizning merkizi bilen yer yüzi arisidiki ariliq qanchilik bolsa, Üstilingizning ëgizliki shunchilik bolsa, Bu üstel sizge bek bap këlidu. Nawada üstilingiz bek pakar bolup qalsa, Özingizmu sezmey bediningizni ëgishke mejbur bolisiz, Bashmu shuninggha egiship töwenleydu, Bundaq bel we bashni uzaq muddet ëgip olturghanda, Adem omurtqa poltiyip chqish, Bel tëlip aghrish we boyun omurtqisi qisilish kësilige giriptar bolidu.
Orunduq: Orunduqta olturup ikki putni tüz tutqanda, Pachaq yerge tüz yönilishte turmisa, Undaqta bu orunduq sizge bek bap këlidu. Orunduq pakar bolup qëlip, Olturghan adem putini erkin uzartalmisa, Pachaq uzaqqiche egri halette turidu–de, Put boghumliri erkin bolalmay, Bel we boghum yallughi këselliki peyda bolush ëhtimalliqini kücheytiwëtidu.
Kariwat: Sëtiwalghan kariwitingizning ëgizliki tizingizgha tengleshse, Undaqta bu kariwat sizge bap kelgen bolidu. Kariwatta erkin olturghanda, Put ëgizliki kariwatning ëgizlikidin bir yaki ikki santimëtir perqlensimu chong mesile këlip chiqmaydu. Eger kariwat bek pakar bolup qalsa, Kariwatta olturghanda put erkin tashlinip turalmay, Put nëripliri waqitning ötüshige egiship ziyan'gha uchraydu.
Tëlëwizor ishkapi: Tëlëwizor ishkapining ëgizliki adem olturghanda körüsh siziqi tëlëwizor ëkranigha tüz chüshidighan derijide bolsila kupaye. Eger ishkap bek pakar bolup qalsa, Közning körüsh siziqi maslishishqa mejbur bolidu–de, Bash istixiylik halda töwenleydu, Buning boyun omurtqisi bilen körüsh sezgüsige salidighan ziyinini töwen mölcherligili bolmaydu.
Ashxana jabduqliri : Adette ochaq qoyulidighan ishkapning ëgizliki 65 santimëtirdin 70 santimëtirghiche bolsila kupaye. Sey – köktat toghraydighan ishkap bilen qacha – qucha yuyidighan kölchekning ëgizlikimu 80～ 85 santimëtirdin kem bolsa bolmaydu. Eger ashxana jabduqliri ziyade pakar bolsa, Tamaq ëtish dawamida belni ëgishke mejbur bolidighan gep. Bu hal uzaq dawamlashsa, Bel, Omurtqa we boyun qismigha dair kësellikler peyda bolidu.
‹‹hayatliq gëziti›› din
|
