جۇڭگودىكى ئەڭ چوڭ قۇملۇق — تەكلىماكان قۇملۇقى

     جۇڭگودىكى ئەڭ چوڭ قۇملۇق — تەكلىماكان چوڭ قۇملۇقى شىنجاڭدىكى تەڭرىتېغى ۋە كۇئىنلۇن تېغىدىن ئىبارەت ئىككى چوڭ تاغ سىستېمىسىنىڭ ئارىسىغا جايلاشقان بولۇپ ، شەرقتىن غەربكە ئۇزۇنلۇقى 1500 كىلومېتىر ، شىمالدىن جەنۇبقا كەڭلىكى 600 كىلومېتىر بولۇپ ، ئومۇمىي يەر كۆلىمى 337 مىڭ كۋادرات كىلومېتىر . تەكلىماكان چوڭ قۇملۇقى سەھرايى كەبىر چوڭ قۇملۇقىدىن قالسىلا ، دۇنيادىكى 2 – ئورۇندا تۇرىدىغان چوڭ قۇملۇق ھېسابلىنىدۇ.

     تەكلىماكان قۇملۇقىدىكى قۇم بارخانلىرىنىڭ كۆلىمى ناھايىتى چوڭ بولۇپ ، ئادەتتە ئېگىزلىكى 100~ 200 مېتىر ئەتراپىدا ، بەزىلىرىنىڭ ئېگىزلىكى ھەتتا 300 مېتىردىن ئاشىدۇ.

       تەكلىماكان چوڭ قۇملۇقى دۇنيادىكى 2 – چوڭ كۆچمە قۇملۇق بولۇپ ، قۇملۇقتا يېڭىدىن ئېچىلغان ساياھەت قىلىش ، ئېكسپېدىتسىيە ۋە ئارخېئولوگىيىلىك پائالىيەتلەر دۆلەت ئىچى – سىرتىدىكى نۇرغۇن ساياھەتچىلەرنى ئۆزىگە جەلپ قىلىپ كەلمەكتە.