نارات يايلىقى —نارات تېغىنىڭ شىمالىي دۆڭلۈكىگە جايلاشقان بولۇپ ، كۈنەس ناھىيىسى بىلەن بولغان ئارىلىقى 110 كىلومېتىر كېلىدۇ. دۆلەت تاشيولى 218 لىنىيىسى بۇ يايلاقنىڭ شىمالىدىن كېسىپ ئۆتىدۇ. نارات يايلىقى دۇنيادىكى تۆت چوڭ ئېگىز تاغ دەرياسى ۋادىسىدىكى يايلاقلارنىڭ بىرى بولۇپ ، نارات داڭلىق مەنزىرە رايونى ئىلى دەرياسى ۋادىسىدىكى بىرىنچى 3A دەرىجىلىك ساياھەت رايونى ھىسابلىنىدۇ . ھەر يىلى نۇرغۇن ساياھەتچىلەر نارات يايلىقىغا كېلىپ ، بۇ جاينىڭ گۈزەل مەنزىرىسى ۋە ساپ ھاۋاسىدىن ھۇزۇرلىنىدۇ.