‹‹لوپنۇرلۇقلار كەنتى›› ساياھەت مەنزىرە رايونى لوپنۇر ناھىيىسىنىڭ دۆڭقوتان يېزىسىدا بولۇپ، تارىم دەرياسى مۇشۇ كەنتتىن ئۆتىدۇ، كورلا شەھىرىگە 85 كىلومېتىر، لوپنۇر ناھىيىسىگە 35 كىلومېتىر كېلىدۇ.

   ‹‹لوپنۇرلۇقلار كەنتى›› لوپنۇرلۇقلارنىڭ ئۇزاق ئەسىرلەردىن بۇيان شەكىللەندۈرگەن دېھقانچىلىق، چارۋىچىلىق، بېلىقچىلىق، ئوۋچىلىق تۇرمۇشى ئەكس ئەتتۈرۈلگەن تۇرمۇش بۇيۇملىرىنى، مىللىي ئۆرپ – ئادەت مەدەنىيىتىنى ئاساس قىلغان، ئېكولوگىيە ساياھىتى، ئېكسپېدىتسىيە ساياھىتىنى ئالاھىدىلىك قىلغان، قۇملۇق، توغراقلىق، دەريا ساھىلى بىر گەۋدىلەشتۈرۈلگەن ساياھەت رايونى بولۇپ، ساياھەت رايونىنىڭ جەنۇبى تەكلىماكان قۇملۇقى بىلەن تۇتىشىدۇ، تارىم دەرياسى ساياھەت رايونىنى كېسىپ ئۆتىدۇ. بۇ يەر تۆت پەسىلنىڭ ھەممىسىدە ساياھەت قىلىشقا باپ كېلىدۇ.