جۇڭگو مېتېئورولوگىيە تەتقىقات ئورنىنىڭ پروفېسسورى لىن جىگۇاڭ قاتارلىقلار ئايدىڭكۆلدە ئۆلچەش ئېلىپ بارماقتا

    ئايدىڭكۆل دېڭىز يۈزىدىن 154 مېتىر تۆۋەن بولۇپ ، ئىچكى قۇرۇقلۇقتىكى شورلۇق كۆل ، ئۇ تۇرپان شەھىرىنىڭ جەنۇبىغا 50 كىلومېتىر كېلىدىغان چاتقال يېزىسى چېگرىسىغا جايلاشقان بولۇپ ، جۇڭگودىكى 1–، دۇنيادىكى 2–ئورۇندا تۇرىدىغان ئويمانلىق . يېقىندا ، جۇڭگو پەنلەر ئاكادېمىيىسى جۇغراپىيە ئىلمى ۋە بايلىق تەتقىقات ئورنى، جۇڭگو مېتېئورولوگىيە تەتقىقات ئورنىدىن كەلگەن ئون نەچچە مۇتەخەسسىس نەق مەيداننى تەكشۈرۈش ئارقىلىق، ئايدىڭكۆل جۇڭگودىكى دېڭىز يۈزىدىن ئەڭ تۆۋەن جاي بولۇپلا قالماي ، يەنە دۆلىتىمىزدىكى تېمپېراتۇرا ئەڭ يۇقىرى ئورۇن ، دەپ يەكۈن چىقاردى.

    23 – ئىيۇل، تۇرپاننىڭ شەھەر ئىچى تېمپېراتۇرىسى ℃40.9 قا چىقتى ، مۇتەخەسسىسلەر ئايدىڭكۆلنىڭ كۆل ئاستى تېمپېراتۇرىسىنى ئۆلچىگەندە ℃44.5 قا چىقىپ ، ئايدىڭكۆلنىڭ جۇڭگودىكى ئەڭ ئىسسىق قۇتۇپ ئىكەنلىكى مۇئەييەنلەشتۈرۈلدى.

    3 – ئاۋغۇست ، تۇرپان ياز كىرگەندىن بۇيانقى ئەڭ يۇقىرى تېمپېراتۇرىنى كۈتۈۋالدى ، شەھەر ئىچىنىڭ تېمپېراتۇرىسى ℃47.4 قا ، ئايدىڭكۆلنىڭ تمپىراتۇرىسى ℃49.7 قا چىقىپ ، ‹‹يېڭى ئىسسىق قۇتۇپ›› نىڭ ھەيۋىسىنى كۆرسەتتى.