خەۋەرلەرگە ئاساسلانغاندا ، ئامېرىكا فېدېراتسىيە ھۆكۈمىتى ساياھەت كىرىمىنى ئاشۇرۇش ئۈچۈن ، ئۇزۇن مەزگىل تاقاقلىق تۇرغان ئەركىنلىك ئىلاھى ھەيكىلىنىڭ باش قىسمىدىكى كۈزىتىش سۇپىسىنى ساياھەتچىلەرگە ئېچىۋېتىشنى ئويلىشىۋېتىپتۇ . ‹‹11–سىنتەبىر›› ۋەقەسى يۈز بەرگەندىن كېيىن ، ئامېرىكا ھۆكۈمىتى بىخەتەرلىكنى كۆزدە تۇتۇپ ، ساياھەتچىلەرنىڭ ئەركىنلىك ئىلاھى ھەيكىلىنىڭ باش قىسمىغا چىقىپ ساياھەت قىلىشىنى چەكلەپ ، پەقەت ئۇل قىسىملىرىنىلا ئېچىۋەتكەن . بۇ سەۋەبلىك ئەركىنلىك ئىلاھى ھەيكىلىنى كۆرگىلى كېلىدىغان ساياھەتچىلەر بەكلا ئازلاپ كەتكەن .