ئۇچتۇرپان ناھىيە  بازىرىنىڭ جەنۇبىدىكى تۇمشۇق تاغ  باغرىدا 2004- يىلى 10- ئايدا يېڭى بىر  سەيلىگاھ - قازانبۇلاق داچا ئارامگاھى قەد  كۆتۈردى. زۇمرەت سۇلىرى قىش- ياز  ئېقىپ تۇرىدىغان، قويۇق ئورمانلىق ئارىسىدىكى بۇ ئارامگاھ ساپ ھاۋاسى، گۈزەل مەنزىرىسى، ئارامبەخش مۇھىتى، ساياھەت، سودا، يېمەك- ئىچمەك، كۆڭۈل ئېچىش بىر  گەۋدە   قىلىنغان ئەۋزەل شارائىتى بىلەن ساياھەتچىلەرنى جەلپ قىلماقتا. قازانبۇلاق داچا  ئارامگاھىنىڭ ئومۇمىي كۆلىمى 19 مىڭ 980 كۇۋادىرات  مېتىر، قۇرۇلۇش كۆلىمى 1500 كۋادىرات  مېتىر بولۇپ ، ئۇنىۋېرسال بىناسى، زىياپەت  زالى، ساراي- ياتاق، سۇ ئۈستى ئايرىمخانىسى، تاغ  قاپتىلى سەيلە راۋىقى قاتارلىق مۇلازىملىق سورۇنلىرىنى ئۆز ئىچىگە ئالىدۇ. ياتاق- سارايلارغا  زامانىۋى تۇرمۇش ئۈسكىنىلىرى سەپلەنگەن بولۇپ، ساياھەتچىلەر بۇ يەردە  ياخشى ئارام ئالالايدۇ.