ﺳﯩﺮﻟﯩﻖ ﻛﯚﻝ: ﺗﯘﻣﺸﯘﻗﺘﺎ ﺩﯦﯖﯩﺰ ﻳﯜﺯﯨﺪﯨﻦ 1400 ﻣﯧﺘﯩﺮ ﺋﯧﮕﯩﺰﻟﯩﻜﺘﯩﻜﻰ ﺗﺎﻍ ﺋﯜﺳﺘﯩﮕﻪ ﺟﺎﻳﻼﺷﻘﺎﻥ ﺑﯩﺮ ﻛﯚﻝ ﺑﺎﺭ ﺑﻮﻟﯘﭖ ﺳﯜﻳﻰ ئانچە ﭼﻮﯕﻘﯘﺭ ﺋﻪﻣﻪﺱ، ﻛۆﭘﻜﯜﻙ ﺋﺎﺳﻤﺎﻧﺪﯨﻜﻰ ﺋﺎﭘﺌﺎﻕ ﺑﻮﻟﯘﺗﻼﺭ ﺋﻪﻛﯩﺲ ﺋﯧﺘﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﻛﯚﻝ ﺋﻪﺗﺮﺍﭘﻰ ﺋﯩﻨﺘﺎﻳﯩﻦ ﺟﯩﻤﺠﯩﺖ ﻫﻪﻡ ﮔﯜﺯﻩﻝ ﺑﻮﻟﯘﭖ، ﻗﻮﻣﯘﺷﻼﺭ ﻗﯧﻠﯩﻦ ﺋﯚﺳﻜﻪﻧﺪﯨﻦ ﺑﺎﺷﻘﺎ ﻳﻪﻧﻪ ﺑﯩﺮ ﻗﺎﻧﭽﻪ ﺗﯘﭖ ﻗﻪﺩﯨﻤﻜﻰ ﻗﺎﺭﯨﻴﺎﻏﺎﭺ ﺩﻩﺭﯨﺨﻰ ﺷﺎﻣﺎﻟﺪﺍ ﻟﻪﺭﺯﺍﻥ ﺋﯧﻐﺎﯕﻼﭖ ﺗﻮﺭﺳﺎ، ﻛﯚﻟﻨﯩﯔ ﺳﻮﻝ ﺗﻪﺭﯨﭙﯩﺪﻩ ﺋﯧﮕﯩﺰ ﺗﺎﻍ، ﺋﻮﯓ ﺗﻪﺭﯨﭙﯩﺪﻩ ﻗﯩﻴﭙﺎﺵ ﺩﯙﯓ ﺑﯩﺮ- ﺑﯩﺮﯨﮕﻪ ﻗﺎﺭﯨﺸﯩﭗ ﺗﻮﺭﯨﺪﯗ.

    ﻏﻪﻟﺘﻪ ﺗﺎﺵ ﺟﯩﻠﻐﯩﺴﻰ: ﺗﯘﻣﺸﯘﻕ ﺗﯧﻐﻰ ﺋﯧﮕﯩﺰ ﺑﻮﻟﻤﯩﺴﯩﻤﯘ، ﺋﻪﻣﻤﺎ ﺗﯩﻚ ﻗﯩﻴﺎﻻﺭ ﺑﯩﻠﻪﻥ ﺗﻮﻟﻐﺎﻥ. ﻧﻪﭼﭽﻪ ﻣﯩﯔ ﻳﯩﻠﻠﯩﻖ ﺑﻮﺭﺍﻥ- ﭼﺎﭘﻘﯘﻥ ﺟﻪﺭﻳﺎﻧﯩﺪﺍ ﺗﻪﺑﯩﺌﻪﺕ ﺋﯘﺳﺘﺎ ﻫﯚﻧﻪﺭﯞﻩﻧﻠﻪﺭﺩﻩﻙ ﺑﯘ ﺗﺎﻍ ﺩﯙﻣﺒﻪﻟﻠﯩﺮﯨﻨﻰ ﻳﯩﻤﯩﺮﯨﭗ ﻗﯩﺰﯨﻘﺎﺭﻟﯩﻖ ﻫﻪﻡ ﺟﺎﻧﻠﯩﻖ ﻛﯚﺭﯛﻧﯜﺷﻠﻪﺭﻧﻰ ﺑﺎﺭﻟﯩﻘﻘﺎ ﻛﻪﻟﺘﯘﺭﮔﻪﻥ. ﻳﯩﺮﺍﻗﺘﯩﻦ ﻗﺎﺭﯨﺴﺎ ﺗﯘﻣﺸﯘﻕ ﺗﯧﻐﻰ ﺑﻪﺋﻪﻳﻨﻰ ﺋﻪﺟﺪﯨﻬﺎ ﺋﻮﺧﺸﺎﻳﺪﯗ، ﺷﯘﯕﺎ ﺑﯘﻳﻪﺭﺩﯨﻜﻰ ﻛﯩﺸﯩﻠﻪﺭ ﺑﯘ ﺗﺎﻏﻨﻰ «ﺋﻪﺟﺪﯨﻬﺎ» ﺗﺎﻍ ﺩﻩﭖ ﺋﺎﺗﯩﺸﯩﺪﯗ. ﺑﯘﻧﯩﯖﺪﯨﻦ ﺑﺎﺷﻘﯩﻤﯘ ﺗﯜﺭﻟﯜﻙ ﺷﻪﻛﯩﻠﺪﯨﻜﻰ ﮔﯜﺯﻩﻝ ﻣﻪﻧﺰﯨﺮﯨﻠﻪﺭ ﺷﻪﻛﯩﻠﻠﻪﻧﮕﻪﻥ ﺑﻮﻟﯘﭖ ﻛﯩﺸﻨﻰ ﺋﯚﺯﯨﮕﻪ ﻣﻪﻫﻠﯩﻴﺎ ﻗﯩﻠﯩﺪﯗ.

     ﺗﺎﺵ ﻗﺎﺗﻤﯩﻼﺭ ﺟﯩﻠﻐﯩﺴﻰ: ﺑﻮﺭﭼﻰ ﺗﯧﻐﯩﻨﯩﯔ ﺋﺎﺭﻗﺎ ﺗﻪﺭﯨﭙﯩﺪﯨﻜﻰ ﺋﯧﮕﯩﺰ- ﭘﻪﺱ، ﺋﻪﮔﺮﻯ- ﺑﯘﮔﺮﻯ ﺟﯩﻠﻐﯩﻼﺭ ﺋﺎﺭﯨﺴﯩﺪﺍ ﻧﯘﺭﻏﯘﻥ ﺩﯦﯖﯩﺰ ﺋﯚﺳﯜﻣﻠﯜﻛﻠﯩﺮﯨﻨﯩﯔ ﺗﺎﺵ ﻗﺎﺗﻤﯩﻠﯩﺮﻯ، ﻗﻪﺩﯨﻤﻜﻰ ﺩﻩﯞﺭ ﺑﯧﻠﯩﻖ ﺗﺎﺵ ﻗﺎﺗﻤﯩﻠﯩﺮﻯ، ﻫﺎﺷﺎﺭﺍﺕ ﺗﺎﺵ ﻗﺎﺗﻤﯩﻠﯩﺮﻯ ﻗﺎﺗﺎﺭﻟﯩﻘﻼﺭﻧﻰ ﺋﯘﭼﺮﺍﺗﻘﯩﻠﻰ ﺑﻮﻟﯩﺪﯗ.

       ﻣﯩﯔ ﻳﯩﻠﻠﯩﻖ ﺗﻮﻏﺮﺍﻕ: ﻳﻪﺭﻟﯩﻚ ﺩﯦﻬﻘﺎﻧﻼﺭﺩﺍ ﻣﯘﻧﺪﺍﻕ ﺑﯩﺮ ﺭﯨﯟﺍﻳﻪﺕ ﺋﯧﻴﺘﯩﻠﯩﭗ ﻛﻪﻟﻤﻪﻛﺘﻪ، ﺑﯘﻧﺪﯨﻦ ﻣﯩﯔ ﻳﯩﻞ ﺋﯩﻠﮕﯩﺮﯨﻜﻰ ﺑﯩﺮ ﻗﯧﺘﯩﻤﻠﯩﻖ ﺩﯨﻨﯩﻲ ﺗﻮﻗﯘﻧﯘﺷﺘﺎ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻛﯜﻳﺌﻮﻏﻠﻰ ﻫﻪﺯﺭﯨﺘﻰ ﺋﯧﻠﻰ ﺷﺎﻫﯩﻲ ﻣﻪﺭﺩﺍﻥ ﺗﻮﻟﭙﺎﺭﯨﻐﺎ ﻣﯧﻨﯩﭗ ﺑﯘ ﺟﺎﻳﻐﺎ ﺟﻪﯕﮕﻪ ﻛﻪﻟﮕﻪﻧﻜﻪﻥ. ﻫﺎﺯﯨﺮ ﺗﻮﻟﭙﺎﺭﻧﯩﯔ ﺋﺎﻟﺪﻯ پۇت تۇيۇقى ﺗﻪﻛﻜﻪﻥ ﺑﯘ ﺟﺎﻳﺪﺍ ﻛﻪﯕﻠﯩﻜﻰ ﺋﻮﻥ ﻣﯧﺘﯩﺮﺩﯨﻦ ﺋﺎﺷﯩﺪﯨﻐﺎﻥ ﺑﯩﺮ ﺟﯘﭖ ﺋﯩﺰ ﻗﺎﻟﻐﺎﻥ، ﺑﯘﻧﯩﯖﻐﺎ ﺋﺎﺳﺎﺳﻪﻥ ﺋﺎﻟﺪﯨﺪﯨﻜﻰ ﺋﯩﻜﻜﻰ ﺗﺎﻍ ﺋﺎﺭﯨﺴﯩﻨﻰ ﻛﯩﺸﯩﻠﻪﺭ ﺗﻮﻟﭙﺎﺭﻧﯩﯔ ‹‹ ﺋﻮﻗﯘﺭﻯ›› ﺩﻩﭖ ﻗﺎﺭﺍﭖ، ﺋﯩﻜﻜﻰ ﺗﺎﻍ ﺋﺎﺭﯨﺴﯩﺪﯨﻜﻰ ﻣﺎﺯﺍﺭﻟﯩﻘﻨﻰ ﻧﻪﺯﻩﺭﺩﻩ ﺗﯘﺗﯘﭖ، ﺑﯘ ﺗﺎﻏﻨﻰ ‹‹ ﺋﻮﻗﯘﺭ ﻣﺎﺯﺍﺭ ﺗﯧﻐﻰ›› ﺩﻩﭖ ﺋﺎﺗﺎﭖ ﻛﻪﻟﮕﻪﻥ. ﺑﯘ ﺗﺎﻏﻨﯩﯔ ﺋﺎﻟﺪﻯ ﺗﻪﺭﯨﭙﯩﺪﻩ ﺳﻮﻟﺪﯨﻦ- ﺋﻮﯕﻐﺎ ﺑﯩﺮ ﻗﺎﻧﭽﻪ ﺗﯘﭖ ﻣﯩﯔ ﻳﯩﻠﻠﯩﻖ ﺗﻮﻏﺮﺍﻕ ﺑﻮﻟﯘﭖ، ﻫﺎﺯﯨﺮﻣﯘ ﺑﯘ ﺗﻮﻏﺮﺍﻗﻼﺭ ﺑﯘﻙ- ﺑﺎﺭﺍﻗﺴﺎﻥ ﻗﻪﺩ ﻛﯚﺗﯜﺭﯛﭖ ﺗﻮﺭﯨﺪﯗ. ﺑﯘﻳﻪﺭﺩﯨﻜﻰ ﺧﻪﻟﻖ ﺋﺎﻣﻤﯩﺴﻰ ﺗﻮﻏﺮﺍﻕ ﯞﻩ ‹‹ ﺋﻮﻗﯘﺭ ﻣﺎﺯﺍﺭﺗﯧﻐﻰ ›› ﻧﻰ ﺑﻪﻙ ﺋﻮﻟﯘﻏﻼﻳﺪﯗ.

     ﻗﯘﻣﻠﯘﻕ ﺗﺎﺷﻴﻮﻟﻰ: ﻳﯧﺰﺍ ﺋﯩﮕﯩﻠﯩﻚ 3-ﺷﻰ ﺗﯘﻣﺸﯘﻕ ﺷﻪﻫﯩﺮﻯ 53- ﺗﯘﻩﻥ(ﭘﯩﭽﺎﻗﺴﯘﻧﺪﻯ ﺑﺎﺯﯨﺮﻯ)ﺩﯨﻦ ﺷﻪﺭﻗﯩﻲ ﺷﯩﻤﺎﻟﻐﺎ ﻗﺎﺭﺍﭖ ﻳﯧﺰﺍ ﺋﯩﮕﯩﻠﯩﻚ 1- ﺷﻰ 3- ﺗﯘﻩﻥ(ﻗﺎﺭﺍ ﺩﯙﯓ)ﮔﻪ ﺑﺎﺭﻏﯩﭽﻪ ﺑﻮﻟﻐﺎﻥ ﺗﻪﻛﻠﯩﻤﺎﻛﺎﻥ ﻗﯘﻣﻠﯘﻗﯩﻨﯩﯔ ﮔﯩﺮﯞﯨﻜﯩﺪﻩ ﺗﻪﺧﻤﯩﻨﻪﻥ 70 ﻛﯩﻠﻮﻣﯧﺘﯩﺮﻟﯩﻖ ﻳﯧﯖﯩﺪﯨﻦ ﻳﺎﺳﺎﻟﻐﺎﻥ ﺗﯘﻣﺸﯘﻕ- ﺋﺎﺭﺍﻝ ﺗﺎﺷﻴﻮﻟﻰ ﺑﺎﺭ، ﻳﻮﻟﻨﯩﯔ ﺋﯩﻜﻜﻰ ﺗﻪﺭﯨﭙﯩﺪﻩ ﻛﻪﯓ ﻛﻪﺗﻜﻪﻥ ﻗﯘﻡ ﺑﺎﺭﻏﺎﻧﻠﯩﺮﻯ ﯞﻩ ﻗﯘﺭﯗﭖ ﻫﻪﺭﺧﯩﻞ ﺗﯜﺳﻜﻪ ﻛﯩﺮﮔﻪﻥ ﻫﻪﻡ ﻳﺎﭘﻴﯧﺸﯩﻞ ﻛﯚﻛﺮﯨﭗ ﺗﯘﺭﻏﺎﻥ ﻗﻪﺩﯨﻤﻜﻰ ﺗﻮﻏﺮﺍﻗﻼﺭﻧﻰ ﻛﯚﺭﮔﯩﻠﻰ ﺑﻮﻟﯩﺪﯗ، ﺑﯘ ﺗﻮﻏﺮﺍﻗﻼﺭ ﺋﯚﺯﯨﻨﯩﯔ ﭼﻪﻛﺴﯩﺰ ﻫﺎﻳﺎﺗﻰ ﻛﯜﭼﯩﻨﻰ ﻛﺎﺋﯩﻨﺎﺗﻘﺎ ﻗﻪﻳﺴﻪﺭﻟﯩﻚ ﺑﯩﻠﻪﻥ ﻧﺎﻣﺎﻳﺎﻥ ﻗﯩﻠﯩﭗ ﻛﻪﻟﻤﻪﻛﺘﻪ.

      ﻛﻪﯓ ﻛﻪﺗﻜﻪﻥ ﺗﻮﻏﺮﺍﻗﻠﯩﻖ: ﻳﯧﺰﺍ ﺋﯩﮕﯩﻠﯩﻚ 3- ﺷﻰ ﺗﯘﻣﺸﯘﻕ ﺷﻪﻫﯩﺮﻯ 50- ﺗﯘﻩﻥ(ﻣﺎﺯﺍﺧﻮﺟﺎ) ﺷﺎﻗﯘ ﻳﯩﯖﻐﺎ ﺑﺎﺭﻏﯩﭽﻪ ﺑﻮﻟﻐﺎﻥ ﻳﻮﻝ ﺑﯚﻟﯩﻜﯩﺪﻩ ﻛﻪﯓ ﻛﻪﺗﻜﻪﻥ ﺗﻮﻏﺮﺍﻗﻠﯩﻖ ﺑﺎﺭ ﺑﻮﻟﯘﭖ، ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﺍ ﻫﺎﺯﯨﺮﻏﯩﭽﻪ ﺳﺎﻗﻠﯩﻨﯩﭗ ﻛﯧﻠﯩﯟﺍﺗﻘﺎﻥ ﻛﯚﻟﯩﻤﻰ ﺋﻪﯓ ﭼﻮﯓ ﺗﻪﺑﯩﺌﯩﻲ ﺗﻮﻏﺮﺍﻗﻠﯩﻖ ﺑﻮﻟﯘﺷﻰ ﻣﯘﻣﻜﯩﻦ. ﺋﯘﻻﺭ ﺷﯘﻧﺪﺍﻕ ﻫﻪﻳﯟﻩﺕ، ﺷﯘﻧﺪﺍﻕ ﺟﻪﺯﺑﯩﺪﺍﺭ ﺑﻮﻟﯘﭖ، ﺑﻪﺯﯨﻠﯩﺮﻯ ﻗﯘﺭﯗﭖ ﻛﻪﺗﻜﻪﻥ ﺑﻮﻟﺴﯩﻤﯘ، ﺑﻪﺯﯨﻠﯩﺮﻯ ﺋﯚﺯﺋﺎﺭﺍ ﺑﻪﺳﺖ ﺗﺎﻟﺸﯩﭗ ﻗﻪﺩﯨﻨﻰ ﺭﻭﺳﻼﭖ ﺗﯘﺭﻣﺎﻗﺘﺎ. ﺗﯧﺨﯩﻤﯘ ﺋﯩﭽﻜﯩﺮﻟﻪﭖ ﻛﯩﺮﺳﻪ ﺯﻩﺭﻩﭘﺸﺎﻥ ﺩﻩﺭﻳﺎﺳﯩﻨﯩﯔ ﻗﻪﺩﯨﻤﻜﻰ ﺗﯚﯞﻩﻥ ﺋﯧﻘﯩﻨﯩﺪﯨﻦ ﺋﯚﺗﯜﭖ، ﻛﻪﯓ ﺳﺎﻳﻐﺎ ﺑﺎﺭﻏﯩﻠﻰ ﺑﻮﻟﯩﺪﯗ، ﺑﯘ ﻳﻪﺭﺩﻩ ﺭﻩﯕﮕﺎﺭﻩﯓ ﺗﯜﺳﺘﯩﻜﻰ ﻫﯧﻘﯩﻖ ﺗﺎﺵ ﯞﻩ ﻳﺎﻧﺎﺭ ﺗﺎﻍ ﻛﯜﻟﯩﮕﻪ ﺋﻮﺧﺸﺎﻳﺪﯨﻐﺎﻥ ﻗﺎﺭﺍ ﺗﺎﺷﻼﺭ ﺋﯘﭼﺮﺍﭖ ﺗﯘﺭﯨﺪﯗ. ﺋﯧﻴﺘﯩﺸﻼﺭﻏﺎ ﻗﺎﺭﯨﻐﺎﻧﺪﺍ ﺑﯘ ﺟﺎﻱ ﺋﻪﻳﻨﻰ ﭼﺎﻏﻼﺭﺩﺍ ﻛﺎﺗﺘﺎ ﺑﺎﺯﺍﺭ ﺋﯩﻜﻪﻧﻤﯩﺶ.

  ﺋﺎﺭﺍﻣﮕﺎﻫ، ﺩﻩﻡ ﺋﯧﻠﯩﺶ ﺭﺍﻳﻮﻧﻠﯩﺮﻯ

      ﻛﯚﻛﯜﻝ ﺗﻮﻏﺮﺍﻕ( ﭼﻮﻟﭙﺎﻥ ﻗﯘﻡ): ﻳﯧﺰﺍ ﺋﯩﮕﯩﻠﯩﻚ 3- ﺷﻰ ﺗﯘﻣﺸﯘﻕ ﺷﻪﻫﯩﺮﻯ ﻳﻮﯕﺌﻪﻧﺒﺎ (ﻗﯩﻠﻠﯩﻐﻮﺗﺎ) ﻛﯚﻟﯩﻨﯩﯔ ﺟﻪﻧﯘﺑﻰ،49-ﺗﯘﻩﻥ(ﮔﻪﻣﯩﻠﯩﻚ ﻣﻪﻳﺪﺍﻥ ﺑﺎﺯﯨﺮﻯ) ﻧﯩﯔ ﺷﻪﺭﻕ ﺗﻪﺭﯨﭙﯩﺪﯨﻜﻰ ﺗﺎﻍ-ﺩﻩﺭﻳﺎ، ﺋﯚﺳﺘﻪﯓ، ﺋﺎﭘﺘﺎﭘﻘﺎ ﻗﺎﻗﻠﯩﻨﯩﺶ، ﺳﯘ ﺋﯘﺯﯗﺵ، ﻗﯘﻣﻐﺎ ﻛﯚﻣﯜﻟﯜﺵ، ﻛﯧﻤﻪ ﻫﻪﻳﺪﻩﺵ، ﻛﯚﯕﯜﻝ ﺋﯧﭽﯩﺶ، ﻳﯧﻤﻪﻙ- ﺋﯩﭽﻤﻪﻙ، ﻣﯧﻬﻤﺎﻧﺨﺎﻧﺎ ﺑﯩﺮ ﮔﻪﯞﺩﯨﻠﻪﺷﻜﻪﻥ ﻛﯚﯕﯜﻟﺪﯨﻜﯩﺪﻩﻙ ﺋﺎﺭﺍﻣﮕﺎﻫ ﻫﯧﺴﺎﺑﻠﯩﻨﯩﺪﯗ. ﺑﯘﻳﻪﺭ ﺋﺎﺭﺍﻡ ﻛﯜﻧﻠﻪﺭﻧﻰ ﻳﺎﺧﺸﻰ ﺋﯚﺗﻜﯜﺯﯛﺷﻜﻪ ﻧﺎﻫﺎﻳﯩﺘﻰ ﺑﺎﭖ ﻛﯧﻠﯩﺪﯨﻐﺎﻥ ﺑﻮﻟﯘﭖ، ﺑﯧﻠﯩﻖ ﺗﯘﺗﯘﺵ، ﮔﻮﻟﻒ ﺗﻮﭖ ﺋﻮﻳﻨﺎﺵ ﻗﺎﺗﺎﺭﻟﯩﻖ ﺗﻪﻧﺘﻪﺭﺑﯩﻴﻪ ﭘﺎﺋﺎﻟﯩﻴﻪﺗﻠﯩﺮﯨﺪﯨﻦ ﺑﻪﻫﺮﯨﻤﻪﻥ ﺑﻮﻟﻐﯩﻠﻰ ﺑﻮﻟﯩﺪﯗ.

     ﻏﻪﺭﺑﯩﻲ ﻗﻮﻟﺘﯘﻕ ﺋﺎﺭﺍﻣﮕﺎﻫﻰ: ﺑﯘ ﻏﻪﺭﺑﯩﻲ ﺷﯩﻤﺎﻝ ﺑﻮﻳﯩﭽﻪ ﺋﻪﯓ ﭼﻮﯓ ﺗﯜﺯﻟﻪﯕﻠﯩﻚ ﺳﯘ ﺋﺎﻣﺒﯩﺮﻯ ﺷﻮﺭﻛﯚﻝ ﺳﯘ ﺋﺎﻣﺒﯩﺮﯨﻨﯩﯔ ﻏﻪﺭﺑﯩﻲ ﻗﯩﺴﻤﯩﻐﺎ ﺟﺎﻳﻼﺷﻘﺎﻥ ﺑﻮﻟﯘﭖ، ﺋﻪﺗﺮﺍﭘﻰ ﺳﯜﻧﺌﻰ ﺑﻪﺭﭘﺎ ﻗﯩﻠﯩﻨﻐﺎﻥ ﻗﺎﺗﺎﺭ- ﻗﺎﺗﺎﺭ ﺳﯚﮔﻪﺕ ﯞﻩ ﺗﻪﺑﯩﺌﯩﻲ ﻗﻮﻣﯘﺷﻼﺭ ﺑﯩﻠﻪﻥ ﺋﻮﺭﺍﻟﻐﺎﻥ، ﻛﯚﭘﻜﻮﻙ ﻛﻪﯓ ﺋﺎﺳﻤﺎﻥ، ﺋﺎﭘﺌﺎﻕ ﺑﻮﻟﯘﺕ ﯞﻩ ﻫﻪﻳﯟﻩﺗﻠﯩﻚ ﺗﺎﻍ ﺩﯙﻣﺒﻪﻟﻠﯩﺮﻯ ﺳﯘ ﻳﯜﺯﯨﺪﻩ ﺋﻪﻛﯩﺲ ﺋﯧﺘﯩﭗ ﺗﯘﺭﯨﺪﯨﻐﺎﻥ ﻳﺎﺧﺸﻰ ﺋﺎﺭﺍﻣﮕﺎﻫ، ﻣﻪﻳﯩﻦ ﺷﺎﻣﺎﻝ ﺩﻭﻟﻘﯘﻥ ﻫﺎﺳﯩﻞ ﻗﯩﻠﯩﭗ، ﻛﯚﻝ ﺳﯜﻳﯩﻨﻰ ﺑﻪﺋﻪﻳﻨﻰ ﺩﯦﯖﯩﺰﺩﻩﻙ ﺋﯚﺭﻛﻪﺷﻠﯩﺘﭗ، ﺩﯦﯖﯩﺰﺩﯨﻦ ﻧﻪﭼﭽﻪ  ﻣﯩﯔ ﭼﺎﻗﯩﺮﯨﻢ ﻳﯩﺮﺍﻗﻠﯩﻘﺘﯩﻜﻰ ﺋﺎﻣﻤﯩﻨﻰ ﺩﯦﯖﯩﺰ ﺳﻪﻳﻠﯩﺴﯩﺪﯨﻦ ﺑﻪﻫﺮﯨﻤﻪﻥ ﻗﯩﻼﻻﻳﺪﯗ. ﺑﯘ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻥ ﺋﺎﺭﺍﻣﮕﺎﻫ ﺑﻮﻟﯘﭖ، ﻫﺎﺯﯨﺮ ﺋﻪﺗﺮﺍﭘﯩﺪﯨﻜﻰ ﺑﻮﺷﻠﯘﻗﻼﺭﻏﺎ ﺗﯜﺭﻟﯜﻙ ﺩﻩﻝ-ﺩﻩﺭﻩﺧﻠﻪﺭ ﺋﻪﻫﻴﺎ ﻗﯩﻠﯩﻨﯩﭗ، ﻣﯧﻬﻤﺎﻧﺨﺎﻧﺎ ﻗﺎﺗﺎﺭﻟﯩﻖ ﺋﻪﺳﻠﯩﻬﻪﻟﻪﺭ ﺗﻮﻟﯘﻕ ﺳﻪﭘﻠﯩﻨﯩﭗ ﻛﺎﺗﺘﺎ ﺋﺎﺭﺍﻣﮕﺎﻫﻘﺎ ﺋﺎﻳﻼﻧﺪﻯ.

     ﺗﻮﻏﺮﺍﻗﻠﯩﻖ ﻛﻪﻧﺖ ﺋﺎﺭﺍﻣﮕﺎﻫﻰ: ﺗﯚﻟﻪﻣﻪﺕ ﺩﻩﺭﻳﺎﺳﯩﻨﯩﯔ ﺗﯚﯞﻩﻧﻜﻰ ﺋﯧﻘﯩﻨﯩﺪﺍ ﻗﻮﻳﯘﻕ ﺋﯚﺳﻜﻪﻥ ﻗﻪﺩﯨﻤﻜﻰ ﻳﺎﭘﻴﯧﺸﯩﻞ ﺗﻮﻏﺮﺍﻗﻠﯩﻖ ﺑﺎﺭ ﺑﻮﻟﯘﭖ، ﺋﯘﻳﺎﻗﺘﯩﻦ- ﺑﯘﻳﺎﻗﻘﺎ ﺋﯜﺯﯛﭖ ﻳﯜﺭﮔﻪﻥ ﺋﺎﻕ ﺑﻮﻟﯘﺗﻼﺭ ﺩﻩﺭﻳﺎ ﺳﯜﻳﯩﺪﻩ ﺋﻪﻛﯩﺲ ﺋﯧﺘﯩﭗ، ﺋﺎﺟﺎﻳﯩﭗ ﮔﯜﺯﻩﻝ ﻣﻪﻧﺰﯨﺮﯨﻨﻰ ﺷﻪﻛﯩﻠﻠﻪﻧﺪﯗﺭﮔﻪﻥ.ﻛﻪﭼﻠﯩﺮﻯ ﻣﻪﻛﯩﺖ ﯞﻩ ﺋﺎﯞﺍﺕ ﺩﻭﻻﻧﻠﯩﺮﯨﻨﯩﯔ ﺋﺎﺭﯨﺴﯩﻐﺎ ﺟﺎﻳﻼﺷﻘﺎﻥ ﺗﯘﻣﺸﯘﻕ ﺩﻭﻻﻧﻠﯩﺮﻯ ﮔﯜﻟﺨﺎﻥ ﻳﯧﻘﯩﭗ ﻻﯞﯨﻠﺪﺍﭖ ﺗﯘﺭﻏﺎﻥ ﮔﯜﻟﺨﺎﻥ ﺋﻪﺗﺮﺍﭘﯩﺪﺍ ﻟﻪﺭﺯﺍﻥ ﯞﻩ ﻳﯧﻘﯩﻤﻠﯩﻖ ﻣﯘﻗﺎﻣﻠﯩﺮﯨﻨﻰ ﺋﯧﻴﺘﯩﭗ، ﺋﯘﺳﺴﯘﻝ ﺋﻮﻳﻨﺎﭖ، ﺋﯚﺯﯨﮕﻪ ﺧﺎﺱ ﺩﻭﻻﻥ ﻣﻪﺷﺮﯨﭙﯩﻨﻰ ﺋﻪﯞﺟﯩﮕﻪ ﻛﯚﺗﯜﺭﺩﯗ. ﺑﯘ ﻳﯧﺰﺍ ﺋﯩﮕﯩﻠﯩﻚ 3- ﺷﻰ ﺗﯘﻣﺸﯘﻕ ﺷﻪﻫﯩﺮﻯ 53-ﺗﯘﻩﻥ (ﭘﯩﭽﺎﻗﺴﯘﻧﺪﻯ ﺑﺎﺯﯨﺮﻯ) ﻧﯩﯔ ﺷﻪﺭﻗﯩﻲ ﺟﻪﻧﯘﺑﯩﻐﺎ ﺟﺎﻳﻼﺷﻘﺎﻥ.

                ‹‹ زەرەپشان گېزىتى ›› دىن ئەخمەت مۇھەممەت تەمىنلىگەن