ساياھەت بايلىقى —شىنجاڭ مول تەبىئىي ساياھەت ئورنى ۋە گۇمانىتارلىق ساياھەت ئورنى بايلىقىغا ئىگە .ھەيۋەتلىك ئىگىز تاغلار ،كۆز يەتكۈسىز قۇملۇقلار ،تاغلاردىكى گۈزەل كۆللەر ،قەدىمكى يىپەك يولىدىكى مەشھۇر ئاسارئەتىقىلەر ،رەڭگارەڭ مىللىي ئۆرپ –ئادەتلەر ۋە مەدەنىيەت –سەنئەت نۇرغۇنلىغان جۇڭگولۇق ۋە چەت ئەللىك ساياھەتچىلەرنى جەلپ قىلماقتا .شىنجاڭ تەۋەسىدە دۇنيا بويىچە 2–ئورۇندا تۇرىدىغان تۆۋەن جاي —ئايدىڭكۆل ،‹‹ھالاكەت دېڭىزى ››دەپ ئاتالغان دۇنيا بويىچە 2–چوڭ قۇملۇق تەكلىماكان  قۇملۇقى ،جۇڭگو ۋە چەت ئەللەرگە داڭلىق ئىدىقۇت ،يارغول ،كىروران قاتارلىق قەدىمكى شەھەر خارابىلىرى ،بۇغدا كۆلى ،بايىنبۇلاقتىكى ئاققۇ كۆلى ،قاناس كۆلى قاتارلىق ئىگىز تاغ كۆللىرى ۋە يەنە نۇرغۇنلىغان ئارىشاڭ ،ھور ئارىشاڭ ،مۇزلۇق  قاتارلىق ئاجايىپ تەبىئىي مەنزىرىلىك جايلار بار.