مۇختەر مۇھەممەدئىمىن

يۈرىكىم سەندە، تىنىقىم سەندە،
قوينىڭدا يانار ھايات مەشئىلىم.
سەنسىز بۇ جانىم ئەمەستۇر تەندە،
ئانامسەن ئۆزۈڭ، ئەزىز ۋەتىنىم.

مەدىتىڭ بولغاچ، تېمەن يېتىلدىم،
بىر ئۆمۈر سېنىڭ مېھرىڭنى ئەمدىم.
سەن بولۇپ باھار، مەنكى قارلىغاچ،
ئىللىق باغرىڭدا سامانى كەزدىم.

چۆللىرىڭ بوستان، توپاڭ تۇتىيا،
تىكەنلىرىڭمۇ تارقىتار ئىپار.
ساڭا ھۆرمىتىم دولقۇنلۇق دەريا،
سېزىمەن ئۇندىن چەكسىز ئىپتىخار.

ۋەتىنىم سېنى دەيمەن جان ئانام،
ئىشقىڭداكۆيگەن ئوغلۇڭمەن سېنىڭ.
سنېى گۈللىمەك ئەھدىم بىر ئۆمۈر،
سېنىڭدىن ئۆزگە نېمەم بار مېنىڭ.