مۇھەممەد ساۋۇت

كۆيمىسەڭ ئەل ئىشقىدا، پەرۋانە دەيدۇ كىم سېنى،
سالمىساڭ مەنزىلگە ئات، مەردانە دەيدۇ كىم سېنى.

ئەر دېگەنگە ئەر ئاتالماس، غادىيىپ يۈرگەن بىلەن،
يۇرتقا تەرىڭ تۆكمىسەڭ غەمخانە دەيدۇ كىم سېنى.

ئۆچمىسۇن نامىم دېسە كىم، ئەلگە كۆيمەكلىك زۆرۈر،
بەرمىسەڭ ئەلگە ھارارەت ، گۈلخانە دەيدۇ كىم سېنى.

ۋەتىنىڭ، خەلقىڭ ئۈچۈن جاننى تەسەددۇق قىلمىساڭ،
ئەلنى سۆيگەن، قۇتلىغان ئوغلانە دەيدۇ كىم سېنى.
