زوردۇن ئىمىر

يۈرەكتىن يۈرەككە تۇتىشىدۇ يول،
كۆڭۈلدىن كۆڭۈلگە ئۈتىشىدۇ يول.
سېلىپ چىڭ دوست – بىرلىك ئاساسىغا ئۇل،
قەلبلەر رىشتىنى چىڭىتىدۇ يول.

ئاقىللار ئۆز ئارا بېرىشىدۇ يول،
بۇ مەرتنىڭ مەنزىلگە يېتىشىدۇر يول.
يول ئاچار يول دېگەن ئىزدىگەنلەرگە،
دەرماننىڭ ئارمانغا يېتىشىدۇر يول.

ئىشچاننىڭ ئەل – يۇرتنى گۈللىشىدۇر يول،
كارۋاننىڭ مەنزىلنى كۆزلىشىدۇر يول.
يول بىلەن يېتىمىز دېمەك پەللىگە،
باتۇرنىڭ يۈكسەككە ئۆرلىشىدۇر يول.
