4 – ئاۋغۇست چۈشتىن كېيىن،ئاپتونوم رايونغا بىۋاستە قاراشلىق ئورگانلار خىزمىتى كومىتېتى‹‹ ئىسلاھاتنى مەدھىيىلەش، ئولىمپىكنى كۈتۈۋېلىش، ئىناقلىقنى ئىلگىرى سۈرۈش›› ئاساسىي تېما قىلىنغان ئەدەبىيات – سەنئەت پائالىيىتىنى ئويۇشتۇردى.

     ئاپتونوم رايونغا بىۋاستە قاراشلىق ئورگانلاردىكى 44 كومىتېت، ئىشخانا، نازارەت، ئىدارىدىكى 890 خادىم بۇ قېتىمقى ئويۇن قويۇش پائالىيىتىگە قاتناشتى. پۈتۈن پائالىيەت باشلىنىش مۇزىكىسى، تولۇپ تاشقان قايناق ھېسسىيات بىلەن ئىسلاھاتنى مەدھىيىلەش، قىزغىنلىق بىلەن ئولىمپىكنى كۈتىۋېلىش ھەممە بىر نىيەتتە ئىناقلىقنى ئىلگىرى سۈرۈش، خاتىمە قاتارلىق 5 قىسىمدىن تەركىب تاپقان. ئەدەبىيات– سەنئەت نومۇرلىرىنى ئورۇنداشتىن ئىلگىرى، ئاپتونوم رايونغا بىۋاستە قاراشلىق ئورگانلار خىزمىتى كومىتېتى 7– نۆۋەتلىك ئىشچى– خىزمەتچىلەر تەنھەرىكەت مۇسابىقىسى ۋە ئەدەبىيات – سەنئەت مۇسابىقىسىدىكى نەتىجىسى ئەلا بولغان خادىملارنى مۇكاپاتلىدى.

     ئاپتونوم رايون رەھبەرلىرىدىن لى يى، دۇ چىڭرۈي، تىلىۋالدى ئابدۇرىشىت، كې لى ۋە  ئاپتونوم رايونغا بىۋاستە قاراشلىق ئورگانلاردىكى 2 مىڭغا يېقىن پارتىيىلىك كادىر سەنئەت نومۇرلىرىنى كۆردى.