7–ئىيۇل، ئىتتىپاق مەركىزىي كومىتېتى ۋە جۇڭگو ياش پىدائىيلار جەمئىيتى ئۇيۇشتۇرغان 7–نۆۋەتلىك ‹‹جۇڭگودىكى ئون چوڭ كۆزگە كۆرۈنگەن پىدائىي››نى تاللاشنىڭ نەتىجىسى بېيجىڭدا ئېلان قىلىندى . ئاتاقلىق ناخشىچى ، شىنجاڭ ھەربىي رايون سىياسىي بۆلۈم سەنئەت ئۆمىكىنىڭ دۆلەتلىك بىرىنچى دەرىجىلىك ئارتىسى ، شىنجاڭ ياش پىدائىيلار جەمئىيتىنىڭ مۇئاۋىن باشلىقى ، شىنجاڭدىكى ياش پىدائىيلارنىڭ تۇنجى ئوبراز ئەلچىسى شامىل شاكىر بۇ شەرەپكە نائىل بولدى .

     2007–يىلى 12–ئايدا ، جۇڭگو كومونىستىك ياشلار ئىتتىپاقى مەركىزىي كومىتېتى ، مەملىكەتلىك ياش پىدائىيلار جەمئىيتى مەملىكەت بويىچە 7–نۆۋەتلىك ‹‹جۇڭگودىكى ئون چوڭ كۆزگە كۆرۈنگەن پىدائىي››نى تاللاش ، مۇكاپاتلاش پائالىيتىنى ئۇيۇشتۇردى . بۇ پائالىيەت قانات يايدۇرۇلغان يېرىم يىلدىن بۇيان ، ئىلتىماس قىلىشقا سەپەرۋەر قىلىش ، دەسلەپكى قەدەمدە باھالاپ كۆرسىتىش ، تەكشۈرۈپ ئاشكارا ئېلان قىلىش قاتارلىق قاتلاممۇ – قاتلام تاللاشلاردىن كېيىن ، ھەرقايسى ئۆلكە ، ئاپتونوم رايون ۋە بىۋاستە قاراشلىق شەھەرلەر كۆرسەتكەن 200نەپەر نامزات ئىچىدىن 20نەپىرى تاللىۋېلىندى . ئۇنىڭدىن كېيىن مەملىكەتلىك باھالاپ تەكشۈرۈش كومىتېتى  يىغىن چاقىرىپ ، نامزاتلارنى باھالاشتىن ئۆتكۈزۈپ ، مۇكاپاتقا ئېرىشكۈچىلەرنىڭ تىزىملىكىنى جەمئىيەتكە ئاشكارا ئېلان قىلدى . شامىل شاكىر ‹‹جۇڭگودىكى ئون چوڭ كۆزگە كۆرۈنگەن پىدائىي››نىڭ ئىچىدىكى بىردىنبىر ئازسانلىق مىللەت پىدائىيسى ھەم بۇ پائالىيەت ئېلىپ بېرىلغاندىن بېرى شىنجاڭدىن چىققان تۇنجى مۇكاپاتلانغۇچى ئىكەن .