يېقىندا ، ‹‹ شىنجاڭ تۇنجى نۆۋەتلىك ھەقىقىي خوتەن قاشتېشىنى كىم ئارتۇق قىلىپ مەخسۇس سېتىش يىغىنى ›› ئېچىلىدىكەن . بۇ يىغىن ئېچىلىشتىن بۇرۇن ، شىنجاڭ ، بېيجىڭ ، شاڭخەي ، سۇجۇ ، ياڭجۇ قاتارلىق جايلاردىكى كەسپىي مۇتەخەسسىسلەرنىڭ 800دىن ئارتۇق مەھسۇلاتى، 5–ئىيۇلدىن باشلاپ  ئۈرۈمچىدە يېپىق كۆرگەزمە قىلىنىشقا باشلىغان .

     بۇ قېتىملىق كىم ئارتۇق قىلىپ سېتىش يېپىق كۆرگەزمىسىنى شىنجاڭ يىڭخې كىم ئارتۇق چەكلىك شىركىتى ئۆز ئۈستىگە ئالغان بولۇپ ، ئېلىپ كېلىنگەن 800دىن ئارتۇق مەھسۇلات ئىچىدە 360دىن كۆپرەكى كىم ئارتۇق قىلىپ سېتىلىدىكەن . بۇ مەھسۇلاتلارنىڭ ھەممىسى ھەقىقىي خوتەن قاشتېشىنى ماتېرىيالى بولۇپ ، ئۇنىڭ ئىچىدە جۇڭگو داڭلىق قاشتېشى ئويمىچىسى ۋۇدېشېڭ ، لىيۇ جۇڭرۇڭ ، ياڭ شى قاتارلىقلارنىڭ نەپىس ئويمىلىرى بار ئىكەن . توققۇز كۈنلۈك يېپىق كۆرگەزمە ئاخىرلاشقاندىن كېيىن ، ئاپتونوم رايونىمىزدىكى تۇنجى نۆۋەتلىك ھەقىقىي خوتەن قاشتېشىنى كىم ئارتۇق قىلىپ مەخسۇس سېتىش يىغىنى ئېچىلىدىكەن .