(تەڭرىتاغ تورى)

يوقتۇر بۇ جەھان ئىچرە بىر كەبى ئەۋۋارە ،

ھەم بىسەرۇ سامانمەن ھەم ئاجىزۇ بىچارە . 

غەم خەيلى ئاياغىدا جىسمىم چۇ غۇبار ئولدى ،

تۇفانى بەلا قىلدى تۇفراغ  بىلە ھەمۋارە .

باشىمغە بەلا تاشى ياغدۇردى سىپىھر ئانچە ،

ھەر بىر ساچىم ئورنىدا يۈز يارە ئۆزە يارە .

تەئىسىرى جۇنۇنۇمدىن ۋەھىم ئەيلەبان ، ئەي ئەھباب ،

ھالىمنى سوراڭ ، لېكىن قىلماڭ ماڭا نەززارە .

ئالەم ئارا بىدادى بىر زەررە ئەمەس خالى ،

ھەر قانچە جەفا بولسە قىلمىش ماڭا ھەر بارە ،

كۆڭلۈمگە شىكەست بەردى نا ئەھلىنىڭ ئازارى ،

بۇ شىشەئى نازۇكنى سىندۇردى ئوشۇل خارە .

مۇستەھزاد چۈشۈرگسى

كۈز سالما ئەرۇسى دۇن رۇخسارىغە، ئەي مەھزۇن،

ھەر كۈن نەچە سەندەكنى ئازغۇردى بۇ مەككارە .

                                      – مەھزۇن

جۇڭگو قامۇس نەشىرىياتى تەرىپىدىن نەشىر قىلىنغان ‹‹ئون ئىككى مۇقام ھەققىدە مۇلاھىزە›› ناملىق كىتابتىن ئېلىندى .