1 – سېنتەبىر ، 17 – نۆۋەتلىك ئۈرۈمچى سودا يەرمەنكىسى ئاپتونوم رايونلۇق خەلقئارا كۆرگەزمە مەركىزىدە داغدۇغىلىق باشلاندى . يەرمەنكىنىڭ ئېچىلىش مۇراسىمى ئاخىرلىشىپ ئىككى سائەتكە يەتمىگەن ۋاقىت ئىچىدە ،غۇلجا سودا ۋەكىللەر ئۆمىكى ئىككى تۈر بويىچە ھەمكارلىق كېلىشىمى ئىمزالاپ ، تۇنجى قەدەمنى ئۇتۇقلۇق باستى .

     غۇلجا ناھىيىلىك خەلق ھۆكۈمىتى 1 – سېنتەبىر ئايرىم – ئايرىم ھالدا بېيجىڭ ‹‹ ۋەنتې›› ئۆي – زېمىن تەرەققىيات چەكلىك شىركىتى ۋە شەندۇڭ ئۆلكىلىك دېجۇ شەھىرى ‹‹خۇاماۋ››بىئو پەن – تېخنىكا چەكلىك شىركىتى بىلەن تۈر كېلىشىمنامىسى ئىمزالىغان بولۇپ ،  5 مىليارد350 مىليون يۈەن مەبلەغ سېلىش پىلانلانغان .