شىنخۇا ئاگېنتلىقى، بېيجىڭ، 22 – ئاۋغۇست تېلېگراممىسى. بېيجىڭ ئولىمپىك تەشكىلىي كومىتېتى تەنھەرىكەت بۆلۈمىنىڭ مۇئاۋىن باشلىقى ليۇ ۋېنبىڭ 22 – ئاۋغۇست مۇنداق دېدى: بېيجىڭ ئو ت م ئاخىرلىشاي دەپ قالدى، 21 – ئاۋغۇستقىچە 37 تۈردە دۇنيا رېكورتى يېڭىلاندى، 77 تۈردە ئو ت م رېكورتى بۇزۇپ تاشلاندى.

   بېيجىڭ ئو ت م نىڭ روھلاندۇرۇش دورىسى ئىشلىتىشكە قارشى تۇرۇش خىزمىتىمۇ ئوڭۇشلۇق ئىشلەندى. خەلقئارا ئولىمپىك كومىتېتىنىڭ ئاخبارات باياناتچىسى داۋىس مۇنداق دېدى: 27 – ئىيۇل ئولىمپىك كەنتى ئېچىۋېتىلگەندىن تارتىپ 21 – ئاۋغۇستقىچە، خەلقئارا ئولىمپىك كومىتېتى 4620 ئادەم／قېتىم دورا تەكشۈرۈشى قىلدى، بۇ 3681 ئادەم／قېتىملىق سۈيدۈك تەكشۈرۈش ۋە 939 ئادەم／قېتىملىق قان تەكشۈرۈشىنى ئۆز ئىچىگە ئالىدۇ. سۈيدۈك تەكشۈرۈش 716 ئادەم／قېتىملىق قىزىل قان دانچىلىرىنى ھاسىل قىلغۇچى ماددىنىڭ ئاجرىتىلىشىنى تېزلىتىش بويىچە سۈيدۈك تەكشۈرۈش ۋە 471 ئادەم／قېتىملىق ئىنسانلارنىڭ ئۆسۈش ھورمونى بويىچە قان تەكشۈرۈشنى ئۆز ئىچىگە ئالىدۇ.
