ئىختىيارىي مۇخبىرىمىز ئەلقەم راخمان خەۋىرى ، فوتوسى : قۇمۇل شەھىرى شەھەر ئىچى يېزىسى جىگدە قۇدۇق كەنتىدە ئولتۇرۇشلۇق رىسالەتخان داۋۇت بىر يىلغان يېقىن ۋاقىت سەرپ قىلىپ ، 21 خىل رەڭلىك  10 مىڭ تالدىن ئارتۇق ئۈنچىدىن پايدىلىنىپ ، ئولىمپىكقا ئاتالغان ۋالىبول مودېلىنى ياساپ چىقتى .

    بۇ ئۈنچىدىن ياسالغان ۋالىبول مودېلى جەمئىي 6 بۆلەكتىن تەركىپ تاپقان بولۇپ ، ئۇنىڭ بىر بۆلىكىگە 2008 – يىللىق بېيجىڭ ئولىمپىك تەنھەرىكەت يىغىنىنىڭ بەلگىسى ، قالغان 5 بۆلىكىگە بېيجىڭ ئولىمپىك تەنھەرىكەت يىغىنىنىڭ قۇت بەلگىسىى بولغان بەش شادىمان بالىنىڭ سۈرىتى چۈشۈرۈلگەن بولۇپ ئىنتايىن نەپىس ھەم كۆركەم قىلىپ ئىشلەنگەن . 

     رىسالەتخان داۋۇت مۇخبىرغا مۇنداق دېدى:  ‹‹ بۇ توپقا قۇمۇل خەلقىنىڭ ئولىمپىك روھى سىڭدۈرۈلگەن بولۇپ ، مەن بۇ توپنى مۇناسىۋەتلىك ئورۇنلار ئارقىلىق قۇمۇل خەلقىنىڭ بېيجىڭ ئولىمپىك تەنھەرىكەت يىغىنىنىڭ غەلىبىلىك ئېچىلىشىغا تىلەكداشلىق بىلدۈرۈش سوۋغىسى سۈپىتىدە بېيجىڭ ئو ت م تەشكىلى كومىتېتىغا ئەۋەتىپ بەرمەكچى بولۇۋاتىمەن›› .