2008– يىللىق بېيجىڭ ئولىمپىك تەنھەرىكەت مۇسابىقىسىنىڭ ھۆكۈمەت تەرەپ كىنو–فىلىمىنىڭ سۈرەتكە ئېلىش خىزمىتى يېقىندا رەسمىي باشلاندى. مۆلچەرلىنىشچە بۇ فىلىم بۇ يىلنىڭ ئاخىرىدا پۈتۈن دۇنيادىكى تاماشىبىنلار بىلەن يۈز كۆرۈشىدىكەن. ئىگىلىنىشچە، جۇڭگو جەمئىي 10 سۈرەتكە ئېلىش ئۆمىكى تەشكىللىگەن بولۇپ ، ئىلگىرى- كېيىن بولۇپ ، ئامېرىكا ، گېرمانىيە ، ئىتالىيە ، شىۋېتسىيە، ئىران ، يامايكا، بىرازىلىيە، ئېفئوپپىيە ، گېرىتسىيە قاتارلىق دۆلەتلەرگە بېرىپ ، پۈتۈن دۇنيادا بىرلا ۋاقىتتا سۈرەتكە ئېلىش خىزمىتىنى باشلايدىكەن. بۇنىڭ ئىچىدە ، 3- ئاينىڭ 24-كۈنى ئولىمپىك مەشئىلى قەدىمكى ئولىمپىيەدە تۇتاشتۇرۇلغاندىن باشلاپ ، 10 سۈرەتكە ئېلىش گۇرۇپپىسى بىرلا ۋاقىتتا 10 دىن 12 گۇرۇپپىغىچە تەنھەرىكەتچىنىڭ ئەينى ۋاقىتتىكى ھەقىقىي تۇرمۇشىنى سۈرەتكە ئېلىپ پۈتۈن بىر كۈنلۈك پائالىيەت كۆرىنىشى قىلىپ ئىشلەيدىكەن .