1993 – يىلى، خەلقئارا ئولىمپىك تەنھەرىكەت مۇسابىقىسى تەشكىلىي كومىتېتى مونتېكارلودا يىغىن ئېچىپ، قۇملۇق ساھىلى ۋالىبولىنى ئولىمپىك تەنھەرىكەت مۇسابىقىسىنىڭ رەسمىي مۇسابىقە تۈرى قىلىپ بېكىتتى. تۇنجى نۆۋەتلىك ئولىمپىك تەنھەرىكەت مۇسابىقىسىنىڭ قۇملۇق ساھىلى ۋالىبول مۇسابىقىسى 1996– يىلى 7– ئايدا ئامېرىكىنىڭ ئاتلانتا شەھىرىدىكى 10 مىڭ تاماشىبىن سىغىدىغان تەنتەربىيە مەيدانىدا ئۆتكۈزۈلدى. 24 ئەرلەر كوماندىسى ۋە 24 ئاياللار كوماندىسى مۇسابىقىگە قاتناشتى. قۇملۇق ساھىلى ۋالىبولى 27– ۋە 28– نۆۋەتلىك ئولىمپىك تەنھەرىكەت مۇسابىقىسىدە غايەت زور مۇۋەپپەقىيەت قازاندى. قۇملۇق ساھىلى ۋالىبول تەنھەرىكىتىنىڭ بازارغا يۈزلىنىشى ۋە كەسىپلىشىش قەدىمىنىڭ تېزلىشىشىغا ئەگىشىپ، قۇملۇق ساھىلى ۋالىبول تەنھەرىكىتىنىڭ دۇنيادىكى تەسىر كۈچىمۇ كۈنسېرى ئاشماقتا.