شىنخۇا ئاگېنتلىقى، بېيجىڭ، 22 - ئۆكتەبىر تېلېگراممىسى. ج ك پ مەركىزىي كومىتېتىنىڭ باش شۇجىسى، دۆلەت رەئىسى، مەركىزىي ھەربىي كومىتېتنىڭ رەئىسى خۇ جىنتاۋ 22 – ئۆكتەبىر كەچتە ‹‹جىڭشى›› مېھمانسارىيىدا ئازادلىق ئارمىيە ۋە قوراللىق ساقچى قىسىملىرىدىن  پارتىيە 17-  قۇرۇلتىيىغا قاتناشقان بارلىق ۋەكىللەر بىلەن سەمىمىي كۆرۈشتى.

   گو بوشيۇڭ، ساۋ گاڭچۈەن، شۈ سەيخۇلار كۆرۈشۈشتە بىللە بولدى.

   كۆرۈشۈشكە قاتناشقانلاردىن يەنە ياڭ بەيبىڭ، جاڭ ۋەننيەن، چى خاۋتيەن، جاۋ نەنچى ۋە لياڭ گۇاڭليې، چېن بىڭدې، لى جىنەي، لياۋ شىلۇڭ، چاڭ ۋەنچۈەن، چياۋ چىڭچېن، جىڭ جىيۈەن، ۋۇ شىڭلى، شۈ چىلياڭ قاتارلىقلار بار.

   كەچ سائەت 8 دىن 02 مىنۇت ئۆتكەندە، خۇ جىنتاۋ قاتارلىق رەھبەرلەر زالغا كىردى، زالدا قىزغىن ئالقىش ياڭرىدى. خۇ جىنتاۋ قاتارلىقلار ۋەكىللەر بىلەن سەمىمىي كۆرۈشتى ھەم كۆپچىلىك بىلەن بىرلىكتە خاتىرە سۈرەتكە چۈشتى.
