قىزىلسۇ قىرغىز ئاپتونوم ئوبلاستلىق سىياسىي كېڭەش دائىمىي كومىتېتىنىڭ ئەزاسى ۋۇ دېڭيۈن

   يولداش خۇ جىنتاۋنىڭ دوكلاتىنىڭ مەزمۇنى چوڭقۇر بولۇپ، كىشىنى ئالغا بېسىشقا ئۈندەيدۇ، مەن قەتئىي ھىمايە قىلىمەن.

   قىزىلسۇ قىرغىز ئاپتونوم ئوبلاستىدا يېقىنقى يىللاردىن بۇيان، ئىقتىسادىي، ئىجتىمائىي ئىشلارنىڭ تەرەققىياتى تېز بولدى، ئۇل مۇئەسسەسە شارائىتى زور دەرىجىدە ياخشىلاندى، نامرات ئائىلىلەر يەر تەۋرەشكە چىداملىق ئۆيلەرگە كۆچۈپ كىردى، ئائىلىسىدە قىيىنچىلىقى بار ئوقۇغۇچىلارنىڭ مەكتەپكە كىرىش نىسبىتى ئاشتى، يېزىلاردا ھەمكارلىشىپ داۋالىنىش قانات يايدۇرۇلۇپ، تۆۋەن تۇرمۇش كاپالىتى يولغا قويۇلدى، خەلقنىڭ تۇرمۇش سەۋىيىسى ئۈزلۈكسىز ئېشىپ، ئالەمشۇمۇل ئۆزگىرىشلەر بولدى، بۇلارنىڭ ھەممىسى پارتىيىنىڭ غەمخورلۇقىنىڭ نەتىجىسى. پارتىيىنىڭ رەھبەرلىكىدە، كەلگۈسىمىز جەزمەن تېخىمۇ پارلاق بولىدۇ. دوختۇر بولۇش سۈپىتىم بىلەن، دۆلەتنىڭ يېزىلاردا ھەمكارلىشىپ داۋالىنىش سىياسىتىنى يولغا قويۇپ، ئومۇمىي خەلقنىڭ ساغلاملىق سەۋىيىسىنى ئۆستۈرگەنلىكىنى ھېس قىلدىم، نامرات دېھقان، چارۋىچىلار كېسەل كۆرسىتەلەيدىغان، كېسەل سەۋەبىدىن قايتا نامراتلىشىپ كەتمەيدىغان بولدى، بۇ ھەقىقەتەن ئاممىغا نەپ يەتكۈزۈدىغان چوڭ ياخشى ئىش. 
