قۇمۇل ۋىلايەتلىك پارتكومنىڭ شۇجىسى گو ليەنشەن

   پارتىيە قۇرۇلتىيىغا تۇنجى قېتىم قاتنىشىپ ناھايىتى ھاياجانلاندىم. يولداش خۇ جىنتاۋنىڭ دوكلاتىنى ئاڭلاپ، قانداق بايراق كۆتۈرۈش، قانداق يولدا مېڭىش كېرەكلىكىنى، جەزمەن‹‹بىر مەركەز، ئىككى ئاساسىي نۇقتا››دا باشتىن - ئاخىر چىڭ تۇرۇش لازىملىقىنى، كىم ئۈچۈن، نېمە ئۈچۈن، شۇنىڭدەك قانداق تەرەققىي قىلدۇرىدىغانلىقىمىز ۋە ئىدىيىدە ئازاد بولۇش، ئىسلاھات، ئېچىۋېتىشتە چىڭ تۇرۇش قاتارلىق بىر قاتار مۇھىم نەزەرىيىۋى، ئەمەلىي مەسىلىلەرنى يەنىمۇ ئىلگىرىلىگەن ھالدا ئايدىڭلاشتۇرۇۋالدىم.

   مېنىڭچە، 17–- قۇرۇلتاي روھىنى ئۆگىنىش، ئىزچىللاشتۇرۇشتا جەزمەن 17–- قۇرۇلتاي روھىنى يېتەكچى قىلىپ، مەركەزنىڭ شىنجاڭ خىزمىتىنى ياخشى ئىشلەش توغرىسىدىكى بىر قاتار يوليورۇقىنى ئەستايىدىل ئەمەلىيلەشتۈرۈپ، شىنجاڭنىڭ ۋە قۇمۇلنىڭ ئەمەلىيىتىگە بىرلەشتۈرۈپ، ئىقتىسادىي قۇرۇلمىنى تەڭشەش، ئىقتىسادنىڭ ئېشىش شەكلىنى ئۆزگەرتىش جەھەتلەردە زور كۈچ سەرپ قىلىش كېرەك؛ ئۇل ئەسلىھە قۇرۇلۇشىنى كۈچەيتىش، ئېكولوگىيىلىك مۇھىتنى قوغداشنى كۈچەيتىش كېرەك؛ خەلق تۇرمۇشىنى زور كۈچ بىلەن ياخشىلاپ، ئاممىۋى مۇلازىمەتنى كۈچەيتىش كېرەك؛ ئىسلاھاتنى چوڭقۇرلاشتۇرۇش ۋە ئېچىۋېتىشنى كېڭەيتىش قاتارلىق تەرەپلەردە بۆسۈش ھاسىل قىلىش كېرەك.
