ئۈرۈمچى شەھىرىنىڭ ئاساسى داۋالىنىش سۇغۇرتىسىغا قاتناشقان شەھەر ، بازار ئىشچى – خىزمەتچىلىرى ئىيۇلدىن باشلاپ ئۆزلىرى تاللىغان داۋالاش ئاپپاراتىدا داۋالىنىدۇ . 

     يېقىندا ، ئۈرۈمچى شەھەرلىك ئەمگەك ۋە ئىجتىمائى كاپالەت ئىدارىسىدىن ئىگىلىنىشىچە ، ئۈرۈمچى شەھىرىدە جەمئىي 737 مىڭ 52 ئادەم ئاساسىي داۋالىنىش سۇغۇرتىسىغا قاتناشقان ئىكەن . نۆۋەتتە ، ئىدارىلەر بويىچە سۇغۇرتىغا قاتناشقان ھەمدە كۆرسىتىلگەن داۋالاش ئاپپاراتىنى تاللىغان ئىشچى – خىزمەتچى 512 مىڭ 351 بولۇپ ، كۆرسىتىلگەن داۋالاش ئاپپاراتىنى تاللاش نىسبىتى %90 كە يەتكەن . مەھەللىلەردىكى كۆرسىتىلگەن داۋالاش ئاپپاراتىنى تاللىغانلار 103 مىڭ 561 بولۇپ ، تاللاش نىسبىتى %63.3 كە يەتكەن . بۇ ئىككى تۈركۈم كىشىلەر مۇشۇ ئايدىن باشلاپ چوقۇم ئۆزلىرى تاللىغان داۋالاش ئاپپاراتىدا داۋالىنىشى كېرەك ئىكەن .