شىنخۇا ئاگېنتلىقى، سېئول، 29 – ئىيۇن تېلېگراممىسى. يېقىندىن بۇيانقى دوكلاتقا قارىغاندا، كورىيە ھۆكۈمىتىنىڭ ئىقتىسادنىڭ كەلگۈسى ئىستىقبالىغا بولغان مۆلچەرى تەدرىجىي ئۆزگەرگەن بولسىمۇ، بىراق كورىيىدىكى مەلۇم تەكشۈرۈش ئاپپاراتىنىڭ 29 – ئىيۇن ئېلان قىلغان تەكشۈرۈش مەلۇماتىغا قارىغاندا، كورىيىدىكى كۆپ ساندىكى كارخانىلار ئىقتىسادنىڭ كەلگۈسى ئىستىقبالىدا ئۆزگىرىش بولۇش – بولماسلىقىدىن يەنىلا ئەندىشە قىلىدىكەن.

     كورىيە مەملىكەتلىك ئىقتىسادچىلار بىرلەشمىسى قانات يايدۇرغان كارخانىلارنىڭ ئايلىق تەكشۈرۈش دوكلاتىغا قارىغاندا، كارخانىنىڭ تىجارەت ئەھۋالىغا بولغان سەزگۈرلۈك دەرىجىسىنى ئەكس ئەتتۈرىدىغان تەكشۈرۈش كۆرسەتكۈچى بۇ يىل 7 – ئايدا 98.7 بولۇپ، 6 – ئايدىكى 100.2دىن تۆۋەن بولغان. بۇ كۆرسەتكۈچنىڭ 100دىن تۆۋەن بولۇشى كۆپ ساندىكى كارخانىلارنىڭ تىجارەت مۇھىتىنىڭ يامانلىشىۋاتقانلىقىنى ئالدىن مۆلچەرلەپ يەتكەنلىكىدىن دېرەك بېرىدىكەن.
