يۈ چياڭفۇ، تەن چاۋشياڭ خەۋەر قىلىدۇ: ئۈرۈمچى شەھەرلىك ‹‹خۇاچۈن›› ئاز سوممىلىق قەرز پۇل چەكلىك مەسئۇلىيەت شىركىتى 26 – ئىيۇن قۇرۇلدى. شىنجاڭ ئۇيغۇر ئاپتونوم رايونلۇق پارتكوم دائىمىي كومىتېتىنىڭ ئەزاسى شەۋكەت ئىمىن، شىنجاڭ ئۇيغۇر ئاپتونوم رايونلۇق سىياسىي كېڭەشنىڭ مۇئاۋىن رەئىسى ۋاڭ ۋېي شىركەت ۋىۋىسكىسىنىڭ يوپۇقىنى ئاچتى.

     بۇلتۇردىن بۇيان، دۇنيادا پۇل مۇئامىلە كرىزىسىنىڭ تەسىرىدە، ئوتتۇرا، كىچىك كارخانىلارنىڭ پۇل قەرز ئېلىشى، مەبلەغ يۈرۈشتۈرۈشى قىيىن بولۇش كۈنسېرى گەۋدىلەندى، ئاز سوممىلىق قەرز پۇل شىركىتى قۇرۇش دۆلەت ۋە ئاپتونوم رايوننىڭ پۇل مۇئامىلە مەنبەسىنى ئۈنۈملۈك تەقىسملەپ، يېزا ئىگىلىكى، يېزا، دېھقانلار ۋە ئوتتۇرا، كىچىك كارخانىلارنى قەرز پۇل بىلەن تەمىنلەشتىكى مۇھىم تەدبىرى بولدى. 
