ئىختىيارىي مۇخبىرىمىز ساۋۇتجان ئابدۇرېھىم ، ئەسقەرجان تۇرسۇنلار خەۋەر قىلىدۇ : يېڭىسار ناھىيىلىك سودا – سانائەت مەمۇرىي باشقۇرۇش ئىدارىسى پاختا بازارلىرىغا بولغان باشقۇرۇش ۋە نازارەتچىلىكنى كۈچەيتىپ ، پاختا ھايانكەشلىرىگە زەربە بېرىپ ، ناھىيىدىكى دېھقانلارنىڭ مەنپەئەتىنى قوغدىدى .

     يېڭسار ناھىيسىدە پاختا ھايانكەشلىرىگە زەربە بېرىش ھەركىتى سېنتەبر ئېيىدىن باشلانغان بولۇپ ، تەكشۈرۈش گۇرۇپپىسىدىكى قانۇن ئىجرا قىلغۇچى خادىملار 23 – ئۆكتەبىرگىچە پاختا ھايانكەشلىكى بىلەن شۇغۇللىنىدىغان 12 كىشىنىڭ دېھقانلارنى ئالداپ ، ئەرزان باھادا سېتىۋالغان 150 مىڭ يۈەن قىممىتىدىكى 80 توننا پاختىسىنى مۇسادىرە قىلدى ھەمدە گوۋۇيۈەننىڭ ‹‹پاختا بازارلىرىنى باشقۇرۇش چارىسى›› بىلەن ‹‹پاختا ھايانكەشلىرىگە زەربە بېرىش نىزامى››نىڭ مۇناسىۋەتلىك بەلگىلىملىرىگە ئاساسەن ، بۇ ھايانكەشلەرگە 25 مىڭ 800 يۈەن جەرىمانە قويدى .