تېكەس ناھىيىسى بۇ يىل 1 مىليون 800 مىڭ يۈەن مەبلەغ سېلىپ، ناھىيە بازىرىنىڭ 2  –  ئايلانما يولىدىكى ‹‹قاراڭغۇ بازار›› كوچىسىنى مىللىيچە ئالاھىدىلىككە ئىگە تاۋارلار  كوچىسى قىلىپ ئۆزگەرتتى.

   تېكەس ناھىيىسى يېقىنقى بىر نەچچە يىلدىن بۇيان ‹‹ساياھەتچىلىكتە داڭلىق ناھىيە قۇرۇش›› ئىستراتېگىيىسىنى يولغا قويۇپ، ناھىيىدە تارىخىي مەدەنىيەت كوچىسى، ئاز سانلىق مىللەتلەر مەدەنىيەت كوچىسى، مىللىي ئۆرپ – ئادەت كوچىسى، ساياھەت، يېمەك – ئىچمەك كوچىسى ۋە مىللىيچە ئالاھىدىلىككە ئىگە تاۋارلار كوچىسىدىن ئىبارەت ‹‹بەش كوچا رايونى›› قۇرۇش پىلانىنى تۈزۈپ، بۇلتۇر يىل ئاخىرىغىچە، بۇنىڭ ئىچىدىكى تۆت كوچىنىڭ قۇرۇلۇشىنى تاماملىغانىدى. يېقىندا، بۇ قۇرۇلۇشنىڭ ئاخىرقى بىر تۈرى بولغان مىللىيچە ئالاھىدىلىككە ئىگە تاۋارلار كوچىسى قۇرۇلۇشى ئوڭۇشلۇق تاماملىنىپ، ئىشلىتىشكە تاپشۇرۇپ بېرىلدى. جەمئىي 1 مىليون 800 مىڭ يۈەن مەبلەغ سېلىنغان بۇ كوچىدا ئاساسلىقى ئۇيغۇر، قازاق قاتارلىق ئاز سانلىق مىللەت تىجارەتچىلىرى مىللىيچە ئالاھىدىلىككە ئىگە  تاۋارلار سودىسى بىلەن شۇغۇللىنىدۇ.