ئۈرۈمچى شەھىرىدىكى ئىسسىقلىق بىلەن تەمىنلەش كارخانىلىرىدىن ئىگىلىنىشىچە ، ئىسسىقلىق بىلەن تەمىنلەش كارخانىلىرى پار قازانلىرىغا ئوت يېقىش قاتارلىق تەييارلىق خىزمەتلىرىنى ئىشلەپ بولغان بولۇپ ، 14 – ئۆكتەبىر سائەت 24 تىن بۇرۇن ، شەھەرگە قاراشلىق رايونلاردىكى ئاھالىلەرنىڭ ئۆيلىرىگە پار يەتكۈزۈلىدىكەن . 

      ئۈرۈمچى شەھەرلىك ئىسسىقلىق بىلەن تەمىنلەش مەمۇرىيەت ئىشخانىسىدىكى مەسئۇل خادىمنىڭ تونۇشتۇرۇشىچە ، ئۈرۈمچى شەھەرلىك ھۆكۈمەتنىڭ بەلگىلىمىسىگە ئاساسەن ، بۇ يىل ، مەركىزىي شەھەرنى ئىسسىقلىق بىلەن تەمىنلەش مۇددىتى ئۆزگەرمەيدىكەن ، يەنى 15 – ئۆكتەبىردىن كېلەر يىلى15 – ئاپرېلغىچە  بولىدىكەن .