شىنخۇا تورى ستوكھولم 13 – ئۆكتەبىر تېلېگراممىسى : شۋېتسىيە خان جەمەتى پەنلەر ئاكادېمىيىسى 13 – ئۆكتەبىر ، 2008 – يىللىق نوبېل ئىقتىسادشۇناسلىق مۇكاپاتىنى ئامېرىكا پرىنسېتون ئۇنۋېرسىتىتىنىڭ ئىقتىسادشۇناسى پاۋلو كرۇگمېنگە بەرگەنلىكىنى ئېلان قىلدى ھەمدە ئۇنىڭ خەلقئارا سودا شەكلى ۋە ئىقتىسادى پائالىيەت رايونى قاتارلىقلارنى تەھلىل قىلىش جەھەتتە قوشقان تۆھپىسىنى مۇكاپاتلىدى .  

     ئىگىلىنىشچە ، كرۇگمېن ئىقساد ساھەسىدا ، خەلقئارا سودا ۋە جۇغراپىيىلىك ئىقتىسادشۇناسلىقى قاتارلىق جەھەتلەردە تەتقىقات ئېلىپ بېرىپ ، ئەركىن سودا ، يەر شارىلىشىش ھەمدە دۇنيا مىقياسىدا شەھەرلىشىش مۇساپىسىنى ئىلگىرى سۈرۈشتىكى سەۋەب قاتارلىق جەھەتلەردە بىر يۈرۈش نەزىرىيىنى بارلىققا كەلتۈرگەن . ئۇنىڭ يېڭى نەزىرىيىسى ئەركىن سودا ۋە يەر شارىلىشىشنىڭ دۇنيا ئىقتىسادىدا پەيدا قىلغان تەسىرى ھەمدە دۇنيا مىقياسىدىكى شەھەرلىشىش مۇساپىسىنىڭ ھەرىكەتلەندۈرگۈچ كۈچى قاتارلىق بىر قاتار مۇھىم مەسىلىلەرنى ھەل قىلىشقا ياردەم بەرگەن .

     ئىقتىسادشۇناسلىق نوبېل مۇكاپاتىنى شۋېتسىيە مەركىزى بانكىسى 1968 – يىلى ، شۋېتسىيىدىكى داڭلىق خىمىيە ئالىمى ، نىتروگلىتسېرىن پارتىلاتقۇچ دورىسىنىڭ كەشپىياتچىسى ئالفرېد بورنھارد نوبېلنى ئەسلەش ئۈچۈن تەسىس قىلغان ھەمدە 1969 – يىلى تۇنجى قېتىم تارقىتىلغان بولۇپ ، بۇ يىللىق نوبىل ئىقتىسادشۇناسلىق مۇكاپاتىنىڭ مۇكاپات سوممىسى 20 مىليون شۋېتسىيە كورۇنا (1 مىليون 400 مىڭ ئامېرىكا دوللىرى) ئىكەن .