شىنجاڭ ئۇيغۇر ئاپتونوم رايونى بىلەن گەنسۇ ئۆلكىسى بىرلىشىپ قانات يايدۇرغان تاشيول كېسىشىش نۇقتىسىدا ئالاھىدە زور قاتناش ۋەقەسى يۈز بېرىشنىڭ ئالدىنى ئېلىش 100 كۈنلۈك ھەرىكىتى 13 – ئۆكتەبىر قۇمۇلدىكى شىڭشىڭيادا ئوڭۇشلۇق باشلاندى.

     جامائەت خەۋپسىزلىكى مىنسىتىرلىكىنىڭ  بىر تۇتاش تەرتىپكە سېلىش 100 كۈنلۈك پائالىيىتى ھەپتىلىكىنى قانات يايدۇرۇش توغرىسىدىكى ئۇقتۇرۇشىغا ئاساسەن، شىنجاڭ ئاپتونوم رايونلۇق جامائەت خەۋپسىزلىكى نازارىتى قاتناش ساقچى باش ئەترىتى گەنسۇ قاتناش تارماقلىرى بىلەن تاشيول قاتنىشىدىكى قائىدىگە خىلاپ قىلمىشلارنى بىر تۇتاش تەرتىپكە سېلىش ھەرىكىتىنى قانات يايدۇردى. بۇنىڭ بىلەن، دۆلەت يولى 312 – لىنىيىسىدىكى نورمىدىن ئاشۇرۇپ ئادەم قاچىلاش، سۈرئەتنى بەلگىلەنگەن چەكتىن ئاشۇرىۋېتىش، چارچاپ تۇرۇپ ئاپتوموبىل ھەيدەش شۇنداقلا قائىدىگە خىلاپ ھالدا ئاپتوموبىل توختىتىش قىلمىشلىرى قاتتىق تەكشۈرۈپ بىر تەرەپ قىلىنىدۇ، شۇنىڭ بىلەن بىرگە، ناھىيە، يېزا تاشيوللىرىدىمۇ قانۇنسىز نورمىدىن ئاشۇرۇپ ئادەم قاچىلاش، پراۋىسىز، ھاراق ئىچىپ ئاپتوموبىل ھەيدەش قاتارلىق قىلمىشلارمۇ قاتتىق تەكشۈرىلىدۇ.