تېكەس ناھىيىسىنىڭ چىلئۆزەك يېزىسىدىكى دېھقان ئابىلبېك يېقىندا، بىر ئېغىز ئۆيىنى قىرائەتخانا قىلىپ، يېزىدىكى دېھقان – چارۋىچىلارنى كىتاب ئوقۇش شارائىتىگە ئىگە قىلدى. بۇ ئىشتىن خەۋەر تاپقان يېزىلىق خەلق ھۆكۈمىتى بىلەن ناھىيىلىك مەدەنىيەت – تەنتەربىيە ئىدارىسى ئابىلبېكنىڭ بۇ قىرائەتخانىسىغا 500پارچە ئۇيغۇر، قازاق يېزىقىدىكى كىتاب، ژۇرنال، 30پارچە ئۈن – سىن پىلاستىنكىسى ۋە ‹‹شىنجاڭ گېزىتى››، ‹‹ئىلى گېزىتى››، ‹‹شىنجاڭ پەن – تېخنىكا گېزىتى›› ياردەم قىلدى.

   نۆۋەتتە، يېزىدىكى دېھقان – چارۋىچىلار ئىشلەپچىقىرىشنىڭ ئارىسال ۋاقىتلىرىدا بۇ قىرائەتخانىغا كېلىپ، تېرىقچىلىق، چارۋىچىلىق توغرىسىدىكى پەن – تېخنىكا كىتابلىرى ۋە باشقا مەدەنىيەت بىلىملىرىگە ئائىت كىتابلارنى ئوقۇپ، ئىشلەپچقىرىش ئەمەلىيىتى بىلەن بىرلەشتۈرمەكتە.