جۇڭگو ئاخبارات فوتوگرافلىرى ئىلمىي جەمئىيىتىنىڭ 6 – نۆۋەتلىك ئومۇمىي ئەزالار قۇرۇلتىيى ۋە 12 – نۆۋەتلىك مەملىكەتلىك ئاخبارات فوتوگرافىيىسى نەزەرىيىسى يىللىق يىغىنى 10 – ئۆكتەبىر ئۈرۈمچىدە ئېچىلدى. مەملىكەت بويىچە 100دىن كۆپرەك ئاخبارات ۋاسىتىسىنىڭ مەسئۇلى ۋە فوتوگرافىيە مۇتەخەسسىسلىرى بۇ قېتىمقى يىغىنغا قاتناشتى.

   ئېچىلىش مۇراسىمىدا، ئاپتونوم رايونلۇق پارتكوم دائىمىي كومىتېتىنىڭ ئەزاسى، تەشۋىقات بۆلۈمىنىڭ باشلىقى لى يى ج ك پ مەركىزىي كومىتېت سىياسىي بيۇروسىنىڭ ئەزاسى، ئاپتونوم رايونلۇق پارتكومنىڭ شۇجىسى ۋاڭ لېچۈەن، ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى نۇر بەكرىنىڭ ھاۋالىسى بىلەن يىغىننىڭ ئېچىلغانلىقىنى قىزغىن تەبرىكلىدى.

   10 – ئۆكتەبىر قۇرۇلتايدا يېڭى رەھبەرلىك بەنزىسى سايلاپ چىقىلدى. يۈ نىڭ جۇڭگو ئاخبارات فوتوگرافلىرى ئىلمىي جەمئىيىتىنىڭ رەئىسلىكىگە، شۈي زۇگېن ئىجرائىيە رەئىس ۋە باش كاتىپلىققا، جاۋ دېرۇن ئىجرائىيە رەئىسلىكىگە، خۇ يىڭ قاتارلىق 21 كىشى مۇئاۋىن رەئىسلىككە سايلاندى.