كۆنەس ناھىيىسىنىڭ زەكتى بازىرىدىكى دېھقانلار بۇ يىل ئۆز يېرىدىكى كارخانىلاردىن ئىش تېپىپ ئىشلەپ، كىرىمىنى ئاشۇردى.

     زەكتى بازىرى تۆمۈرلۈك كەنتىدىكى دېھقان گېمىڭنۇر بىلەن ئايالى پولات – تۆمۈر، پاختا – چىگە زاۋۇتلىرىدا ئىشلەپ، ئايدا 2000 يۈەندىن كىرىم قىلدى. ھازىر، زەكتى بازىرىدا گېمىڭنۇرلارغا ئوخشاش ئۆز ئورنىدىكى كارخانىلاردىن ئىش تاپقان دېھقانلار 2400دىن ئاشتى.

     زەكتى بازىرىنىڭ سانائىتى تەرەققىي قىلغان بولۇپ، بازاردىكى چوڭ – كىچىك كارخانا 20 دىن ئاشىدۇ. بازارلىق پارتكوم، خەلق ھۆكۈمىتى دېھقانلارنىڭ سىرتقا چىقىپ ئىشلەش جەريانىدىكى قىيىنچىلىقىنى تۈگىتىش ۋە كۈتۈلمىگەن خېيىمخەتەرلەرنىڭ ئالدىنى ئېلىش ئۈچۈن، ئۇلارنى بازار تەۋەسىدە ئىشقا ئورۇنلاشتۇرۇشقا ئەھمىيەت بەردى. خەلق قۇرۇلتىيىنىڭ ۋەكىللىرى ۋە سىياسىي كېڭەش ئەزالىرىنى تەكشۈرۈشكە ئۇيۇشتۇرۇش ئاساسىدا، بازار باشلىقى مەسئۇل بولغان ئېشىنچا ئەمگەكچىلەرنى ئىشقا ئورۇنلاشتۇرۇش رەھبەرلىك گۇرۇپپىسى قۇرۇپ، كارخانىلار بىلەن ئالاقىلىشىپ، دېھقان ئىشلەمچىلەرنى كۆپلەپ ئىشقا ئورۇنلاشتۇردى. باشقۇرۇش مېخانىزمىنى ۋە  ئادەم ئىشلەتكۈچى ئورۇنلارغا بولغان نازارەتچىلىكنى كۈچەيتىپ، دېھقانلارنىڭ قانۇنىي ھوقۇق – مەنپەئىتىنى كاپالەتكە ئىگە قىلدى.
