ئارشاڭ ناھىيىسى سانائەتتە قۇرۇلمىنى ئەلالاشتۇرۇپ، تېخنىكا ئۆزگەرتىش سالمىقىنى ئاشۇرغانلىقتىن،  سانائەت تەرەققىياتى تېز بولدى.

   ئارشاڭ ناھىيىسى بۇ يىل بىخەتەر ئىشلەپچىقىرىشنى چىڭ تۇتۇش ئاساسىدا، سانائەت قۇرۇلمىسىنى ئۈزلۈكسىز ئەلالاشتۇردى. يېڭىدىن ئىش باشلىنىدىغان، تېخنىكا ئۆزگەرتىدىغان تۈرلەرنى يولغا قويۇشنى تېزلىتىپ، 7 – ئاينىڭ ئاخىرىغىچە سەككىز تۈردە قۇرۇلۇش باشلاپ، بۇ تۈرلەرگە 3 مىليون 999 مىڭ يۈەن مەبلەغ سالدى. بۇنىڭ تۈرتكىسىدە 8 – ئايغىچە ناھىيىدىكى يېزا ۋە يېزا دەرىجىلىكتىن يۇقىرى سانائەت كارخانىلىرى ياراتقان سانائەت قوشۇلما قىممىتى 6 مىليون 578 مىڭ يۈەنگە يېتىپ، بۇلتۇرقى شۇ مەزگىلدىكىدىن %35.4 ئاشتى.