شىنجاڭ ئۇيغۇر ئاپتونوم رايونىنىڭ ‹‹ئۈچنى يېزىلارغا يەتكۈزۈش›› ئەترىتىدىكى خادىملار 23 – سېنتەبر چۈشتىن بۇرۇن ، چۆچەك شەھىرىنىڭ بوزداق دېھقانچىلىق مەيدانىدىكى مەركىزىي باشلانغۇچ مەكتەپكە يېتىپ كېلىپ ، مۇلازىمەت پائالىيىتىنى قانات يايدۇرۇپ ،  شۇ يەردىكى دېھقانلار ئاممىسىنىڭ قىزغىن ئالقىشىغا ئېرىشتى . ‹‹ ئۈچنى يېزىلارغا يەتكۈزۈش ›› ئەترىتىدىكى خادىملار نەق مەيداندا شۇ يەردىكى ئاممىنىڭ كېسىلىنى كۆرۈپ ، دىئاگنوز قويۇپ ، ھەقسىز دورا تارقىتىپ بەردى . داۋالاش ئەترىتىدىكى مۇتەخەسسىسلەر يەنە بوزداق شىپاخانىسىغا كېلىپ ، مۇرەككەپ ۋە داۋالاش تەس بولغان كېسەللەرگە دىئاگنوز قويۇپ ، بۇ كېسەللەرنى داۋالاشقا يېتەكچىلىك قىلدى . ‹‹ئۈچنى يېزىلارغا يەتكۈزۈش››ئەترىتىدىكى ئارتىسلار ئەدەبىيات – سەنئەت نومۇرلىرىنى ئورۇنداپ ، شۇ يەرلىك ئاممىنىڭ قىزغىن ئالقىشىغا ئېرىشتى .

    بۇ قېتىملىق ‹‹ئۈچنى يېزىلارغا يۈزلەندۈرۈش›› مۇلازىمىتى بويىچە ئۈلگە كۆرسىتىش پائالىيىتىنى ئاپتونوم رايونلۇق پارتكوم تەشۋىقات بۆلۈمى، ئاپتونوم رايونلۇق مەدەنىيەت نازارىتى، پەن – تېخنىكا نازارىتى قاتارلىق يەتتە ئورۇن بىرلىشىپ تەشكىللىگەن . 

ئامما ئۆچرەتتە تۇرۇپ ، كېسەل كۆرسەتمەكتە

داۋالاش مۇتەخەسسىسلىرى بوزداق شىپاخانىسىدا كېسەل كۆرمەكتە

ئارتىسلار نومۇر ئورۇندىماقتا