ھەر يىلى 9 – ئاينىڭ 3 –ھەپتىسىنىڭ ئاخىرقى كۈنى مەملىكەت بويىچە پەن – تېخنىكىنى ئومۇملاشتۇرۇش كۈنى. بۇ يىلقى پەن – تېخنىكىنى ئومۇملاشتۇرۇش كۈنىدە ‹‹ئېنېرگىيە تېجەش، ئېكولوگىيىلىك مۇھىتنى قوغداش، بىخەتەرلىك، ساغلاملىققا كاپالەتلىك قىلىش›› دېگەن تېمىنى چۆرىدىگەن ھالدا  31 ئۆلكىدە پەن – تېخنىكىنى ئومۇملاشتۇرۇش بويىچە 3500 تۈرلۈك پائالىيەت ئۆتكۈزۈلىدىكەن.

    جۇڭگو پەن – تېخنىكا جەمئىيىتى 9 – ئاينىڭ 12 – كۈنى ئاچقان ئاخبارات ئېلان قىلىش يىغىنىدا: مەملىكەتلىك پەن – تېخنىكىنى ئومۇملاشتۇرۇش كۈنى مەزگىلىدە مەملىكەت بويىچە 420 پەن – تېخنىكىنى ئومۇملاشتۇرۇشتا ئۈلگە كۆرسىتىش ناھىيىسى(شەھەر،رايون) ۋە مەملىكەت بويىچە 70 نەچچە پەن – تېخنىكىنى ئومۇملاشتۇرۇش تەربىيىسى بازىسىدا ئوتتۇرا، باشلانغۇچ مەكتەپ ئوقۇغۇچىلىرىنىڭ پەن – تېخنىكىنى ئومۇملاشتۇرۇش پائالىيىتى قانات يايدۇرۇلىدۇ، دېيىلدى.

‹‹جۇڭگو مائارىپى گېزىتى››دىن
