شىنخۇا ئاگېنتلىقى، بېيجىڭ، 14 – سېنتەبىر تېلېگراممىسى. دۆلەت رەئىسى خۇ جىنتاۋ بۈگۈن روسىيىنىڭ موسكۋادىن پېرم شەھىرىگە ئۇچقان ‹‹بوئېئىڭ _ 737›› تىپلىق يولۇچىلار ئايروپىلانىنىڭ ئۇرال تاغلىق رايونىدا چۈشۈپ كەتكەنلىكى، ئايروپىلاندىكى 82 يولۇچى ۋە ئالتە ئايروپىلان خادىمىنىڭ ھەممىسىنىڭ قازا قىلغانلىقى مۇناسىۋىتى بىلەن روسىيە زۇڭتۇڭى مېدۋېدېۋغا ھال سوراش تېلېگراممىسى ئەۋەتتى. خۇ جىنتاۋ جۇڭگو ھۆكۈمىتى ۋە خەلقىگە ۋاكالىتەن مېدۋېدېۋدىن ھەم ئۇ ئارقىلىق قازا قىلغانلارنىڭ تۇغقانلىرىدىن سەمىمىي ھال سورىدى، قازا قىلغانلارغا چوڭقۇر تەزىيە بىلدۈردى.