جۇڭگو كوممۇنىستىك پارتىيىسى مەركىزىي كومىتېتى سىياسىي بيۇروسىنىڭ ئەزاسى، مەملىكەتلىك سىياسىي كېڭەشنىڭ مۇئاۋىن رەئىسى ۋاڭ گاڭ 10 – سېنتەبىر خەلق سارىيىدا ئەنگىلىيىنىڭ سابىق مۇئاۋىن باش ۋەزىرى پرېسكوت باشچىلىقىدىكى ئەنگىلىيە ياش سىياسىئونلار ۋەكىللەر ئۆمىكىدىلەر بىلەن كۆرۈشتى. ۋاڭ گاڭ مۇنداق دېدى: يېقىنقى يىللاردىن بۇيان، جۇڭگو–ئەنگىلىيە ئىككى دۆلەتنىڭ مۇناسىۋىتى ئومۇميۈزلۈك راۋاجلاندى، يۇقىرى قاتلامدىكىلەرنىڭ دائىملىق بېرىپ– كېلىش ۋە ئالاقىسى كۈچەيتىلىپ، ئۆزئارا ئىشىنىش ئىلگىرى سۈرۈلدى. 4 يىلدىن كېيىن لوندوندا 30– نۆۋەتلىك يازلىق ئولىمپىك تەنھەرىكەت مۇسابىقىسى ئۆتكۈزۈلىدۇ، بۇ ئىككى دۆلەتنىڭ ھەمكارلىقىنى كۈچەيتىشنى يېڭى پۇرسەت بىلەن تەمىنلىدى، جۇڭگو تەرەپ ئەنگىلىيە تەرەپ بىلەن ئورتاق تىرىشىپ، ھەرقايسى ساھەلەردىكى بىر–بىرىگە نەپ يەتكۈزىدىغان ھەمكارلىقنى ئۈزلۈكسىز كۈچەيتىپ، جۇڭگو–ئەنگىلىيە ئىككى دۆلەتنىڭ ئومۇميۈزلۈك ستراتېگىيىلىك ھەمراھلىق مۇناسىۋىتىنىڭ ساغلام، مۇقىم تەرەققىياتىنى ئىلگىرى سۈرۈشنى خالايدۇ.