جۇڭگو كوممۇنىستىك پارتىيىسى مەركىزىي كومىتېتى سىياسىي بيۇروسىنىڭ ئەزاسى، دۆلەت كومىسسارى ليۇ يەندۇڭ 10 – سېنتەبىر بېيجىڭدا 4–نۆۋەتلىك ئالىي مەكتەپ ئوقۇتۇشىدىكى كۆزگە كۆرۈنگەن ئوقۇتقۇچىلارنى تەقدىرلەش يىغىنىغا قاتناشتى ھەمدە يىغىندا مۇكاپاتقا ئېرىشكەن ئوقۇتقۇچىلارنى تەبرىكلىدى ، شۇنىڭ بىلەن بىرگە مەملىكەتتىكى بارلىق ئوقۇتقۇچى ۋە مائارىپ خىزمەتچىلىرىدىن بايراملىق ھال سورىدى. ئۇ تەبرىكلەش يىغىنىدا سۆز قىلىپ مۇنداق دېدى : ئوقۇتقۇچىلار قوشۇنى قۇرۇلۇشىنى ئالىي مەكتەپ مائارىپى تەرەققىياتىنىڭ ھالقىسى قىلىپ، ئالىيجاناب ئەخلاق– پەزىلەتكە ئىگە، كەسىپتە پىششىق، مول ئىجادچانلىق روھى ۋە يېڭىلىق يارىتىش ئىقتىدارىغا ئىگە يۇقىرى ساپالىق ئوقۇتقۇچىلار قوشۇنىنى بەرپا قىلىش كېرەك.