قايسى كارخانا 17 – نۆۋەتلىك ئۈرۈمچى يەرمەنكىسىنىڭ چولپان كارخانىسى ؟ قايسى تاۋار ئەڭ داڭدار تاۋار شەرەپىگە نائىل بولالايدۇ ؟ ئۈرۈمچى يەرمەنكىسى باھالاش كومىتېتى مۇتەخەسسىسلىرىنىڭ ئەستايىدىل باھالىشى ۋە ئاممىنىڭ كەڭ دائىرىدە بېلەت تاشلىشى نەتىجىسىدە، 17 – نۆۋەتلىك ئۈرۈمچى يەرمەنكىسىدىكى يۈز كۈچلۈك داڭلىق ماركا بارلىققا كەلدى. ‹‹ جۇڭجى ›› ماركىلىق شوخلا مەھسۇلاتلىرى قاتارلىق 20 تاۋار ئەڭ ياخشى ئېكىسپورت تاۋار مۇكاپاتىغا؛ ‹‹ تيەنسەي ›› ماركىلىق تەبىئى رەڭلىك پاختا قاتارلىق 20 تاۋار ئەڭ داڭدار تاۋار مۇكاپاتىغا؛ ‹‹ قىزىل يەلكەن ›› ماركىلىق شوخلا پىگمىنتى قاتارلىق 20 تاۋار يېڭىلىق يارىتىش بويىچە ئەڭ ياخشى تاۋار مۇكاپاتىغا؛ ‹‹ ئىلى ›› ماركىلىق ئاق ھاراق قاتارلىق 20 تاۋار ئەڭ زور رىقابەت كۈچىگە ئىگە تاۋار مۇكاپاتىغا؛ ‹‹ گۇلوڭ ›› ماركىلىق كونسىرۋا قاتارلىق 20 تاۋار ئالاھىدىلىكى ئەڭ گەۋدىلىك تاۋار مۇكاپاتىغا ئېرىشتى.