قۇمۇل ۋىلايىتىنىڭ سەنتاڭخۇ ئويمانلىقىدا نېفىت ئېچىش خىزمىتىدە زور ئىلگىرىلەشلەر بولدى . ئومۇمىي پۈتۈش قىممىتى 600 مىليون يۈەندىن ئاشىدىغان خام نېفىتنى سىرتقا توشۇش تۇرۇبا لىنىيىسىدە يېقىندا رەسمىي قۇرۇلۇش باشلاندى.
       سەنتاڭخۇ خام نېفىتىنى سىرتقا توشۇش تۇرۇبا لىنىيىسىنىڭ ئومۇمىي ئۇزۇنلۇقى 205 كىلومېتىر بولۇپ ، نيۇچۈەنخۇ نېفىتلىكىدىن باشلىنىپ ، غەربتىكى خام نېفىت تۇرۇبىسىنىڭ قۇمۇل سىباۋ بېكىتىدە ئاخىرلىشىدۇ ، ئاراتۈرۈك ، بارىكۆل ئىككى ناھىيىدىن كېسىپ ئۆتۈپ ، تەڭرىتاغدىن ھالقىپ قۇمۇلغا تۇتىشىدۇ . ئىگىلىنىشىچە، سەنتاڭخۇ نېفىتلىكى خام نېفىتنى سىرتقا توشۇش تۇرۇبا لىنىيىسى قۇرۇلۇشىنىڭ 9 - ئاينىڭ ئاخىرىدا تاماملىنىدىغانلىقى، قۇرۇلۇش پۈتكەندىن كېيىن، ھەر يىلى سىرتقا يەتكۈزۈلىدىغان خام نېفىت مەھسۇلات مىقدارىنىڭ نەچچە مىليون توننىدىن ئاشىدىغانلىقى مۆلچەرلەنگەن .