تۆمۈريول مىنىستىرلىكىنىڭ دەسلەپكى مەلۇماتىغا قارىغاندا، 2007 - يىلى سېنتەبردىن 2008 –يىلى ئاۋغۇستقىچە، تۆمۈريول مىنىستىرلىكى شىنجاڭدىن 2 مىليون 930مىڭ توننا پاختا يۆتكەپ، بۇلتۇرقىدىن 236مىڭ توننا كۆپ يۆتكىگەن ھەم %8.7 ئاشۇرغان،  پاختا يۆتكەش مىقدارى جەھەتتە يەنە بىر قېتىم ئەڭ يۇقىرى سەۋىيە ياراتقان.

    بولۇپمۇ، بۇ يىل ئىيۇل ۋە ئاۋغۇست ئايلىرىدا، تۆمۈريول مىنىستىرلىكى تۈرلۈك چارىلارنى قوللىنىپ، شىنجاڭدىن جەمئىي 600 مىڭ توننا پاختا يۆتكەپ، بۇلتۇرنىڭ ئوخشاش مەزگىلدىكىدىن 410 مىڭ توننا كۆپ يۆتكىگەن. ئاۋغۇستتا، يەنە كۈنىگە 340 ۋاگونغا پاختا قاچىلاشتەك يېڭى رىكورت ياراتقان. 30 – ئاۋغۇستقىچە، ئىلگىرى بېسىلىپ قالغان 16 مىڭ توننا رەڭلىك پاختا بىلەن يېڭىدىن يىغىلغان 20 مىڭ توننا پاختىدىن سىرت، قالغان پاختىلارنىڭ ھەممىسىنى تولۇق يۆتكەپ، ئاپتونوم رايوننىڭ 31 – ئاۋغۇستتىن ئىلگىرى ئىسكىلاتتىكى پاختىنى تولۇق يۆتكەپ بولۇش ۋەزىپىسىنى مۇددەتتىن بىر كۈن بۇرۇن تاماملىغان.