2008 – يىللىق ئاپتونوم رايون بويىچە ئىتتىپاق كادىرلىرىنى كۈزلۈك تەربىيىلەش كۇرسىنىڭ ئوقۇش باشلاش مۇراسىمى 5 – سېنتەبىر چۈشتىن بۇرۇن ئاپتونوم رايونلۇق ئىتتىپاق مەكتىپىدە ئۆتكۈزۈلدى. ئاپتونوم رايونلۇق پارتكوم دائىمىي كومىتېتىنىڭ ئەزاسى، ئىنتىزام تەكشۈرۈش كومىتېتىنىڭ شۇجىسى فۇ چياڭ ئوقۇش باشلاش مۇراسىمىدا مۇنداق تەكىتلىدى: ئىتتىپاق كادىرلىرىنى تەربىيىلەش خىزمىتى كوممۇنىستىك ياشلار ئىتتىپاقى ئىشلىرىنى راۋاجلاندۇرۇشتىكى ئۇللۇق خىزمەت، ئىتتىپاق ئەترىتى كادىرلىرىنى تەربىيىلەش خىزمىتىدە مەسئۇلىيەت تۇيغۇسى ۋە تەخىرسىزلىك تۇيغۇسىنى چوقۇم كۈچەيتىپ، ئىتتىپاق كادىرلىرىنى ئىلمىي تەرەققىيات قارىشى بويىچە تەربىيىلەشنى گەۋدىلىك چىڭ تۇتۇپ، ئىتتىپاق كادىرلىرىنىڭ ئىلمىي تەرەققىيات قارىشىنى ئىلگىرى سۈرۈش ئىقتىدارىنى تىرىشىپ ئۆستۈرۈش كېرەك.

   ئىگىلىنىشىچە، بۇ قارارلىق كۈزلۈك تەربىيىلەش كۇرسى ۋىلايەت (ئوبلاست)، نازارەت – ئىدارە، بىۋاسىتە قاراشلىق كارخانا ئىتتىپاق كومىتېتلىرى شۇجىلىرى سىنىپى، ناھىيە، شەھەر (رايون) ئىتتىپاق كومىتېتلىرى شۇجىلىرى سىنىپى، پىئونېرلار ئەترىتى يېتەكچىلىرى سىنىپىدىن ئىبارەت ئۈچ سىنىپقا ئايرىلغان بولۇپ،  150 كۇرسانت بار ئىكەن.