ئاپتونوم رايونلۇق پارتكومنىڭ مۇئاۋىن شۇجىسى، ئاپتونوم رايوننىڭ رەئىسى نۇر بەكرى 1 – سېنتەبىر چۈشتە 17 – نۆۋەتلىك ئۈرۈمچى يەرمەنكىسىگە قاتنىشىشقا كەلگەن تۈركىيىنىڭ دۆلەت ئىشلىرى مىنىستىرى، تۈركىيە ۋەكىللەر ئۆمىكىنىڭ باشلىقى كۈرشاد تۈزمېن قاتارلىقلار بىلەن قىزغىن كۆرۈشتى.

   نۇر بەكرى كۆرۈشۈشتە مۇنداق دېدى: مىنىستىر ئەپەندىمنىڭ تۈركىيە ۋەكىللەر ئۆمىكىنى باشلاپ ئۈرۈمچى يەرمەنكىسىگە كېلىپ سودا ھەمراھى ئىزدىگەنلىكىنى قىزغىن قارشى ئالىمىز.  ئىككى تەرەپنىڭ ئىقتىساد – سودا ئالاقىسىنىڭ يوشۇرۇن كۈچى زور. مىنىستىر ئەپەندىمنىڭ بۇ قېتىم ئۇزاقراق تۇرۇپ، جۇڭگونىڭ شىنجاڭىغا بولغان چۈشەنچىسىنى چوڭقۇرلاشتۇرۇشىنى ئۈمىد قىلىمەن. ئىشىنىمەنكى، ئىككى تەرەپنىڭ ئىقتىساد – سودا ھەم باشقا ساھەلەردىكى ھەمكارلىقى چوقۇم تېخىمۇ زور تەرەققىياتلارغا ئېرىشىدۇ.

   كۈرشاد تۈزمېن مۇنۇلارنى بىلدۈردى: تۈركىيە بىلەن جۇڭگونىڭ شىنجاڭىنىڭ ئىقتىساد – سودا ساھەسىدە ئۆزئارا تولۇقلاشچانلىقى كۈچلۈك، ئىككى تەرەپنىڭ ئالماشتۇرۇشنى كۈچەيتىپ، ھەمكار– لىقنى كېڭەيتىپ، ئىقتىساد – سودا ئالاقىسىنى يېڭى سەۋىيىگە كۆتۈرۈشىنى ئۈمىد قىلىمەن.

   ئاپتونوم رايونلۇق سىياسىي كېڭەشنىڭ رەئىسى ئەسقەت كەرىمباي كۆرۈشۈشتە بىللە بولدى.   
